العربية
English
فارسى
Türkçe
Français
Deutsch
Kiswahili
Español
مذکورہ بالا مرکز کے انچارج ڈاکٹر احسان الغریفی نے الکفیل نیٹ ورک سے گفتگو کرتے ہوئے کہا ہے کہ مرکز کے ادارہ نے اس کتاب کے بے انتہا فوائد کو مدنظر رکھتے ہوئے اسے شائع کرنے کا فیصلہ کیا کیونکہ اس کتاب کی نشر و اشاعت اور اس کے اندر موجود معلومات سے آگاہی کے ذریعے ہمیں شیخ انصاری کے نزدیک علم الرجال کی اہمیت کا اندازہ ہوتا ہے۔ یہ کتاب صرف مخطوطہ کے طور پر موجود تھی اور حوزہ علمیہ کے اساتذہ اور طلاب کی بڑی تعداد اس کی موجودگی سے ناواقف تھی۔
اس کتاب کے ذریعہ سے شیخ انصاری کی علم رجال کے بارے میں آراء اور نظریات سے واقفیت حاصل ہوتی ہے اور اسی کی بنیاد پر ان کی فقہی آراء کو سمجھنے میں مدد ملتی ہے خاص طور پر ان کی کتاب (المکاسب) آج بھی ہو حوزات علمیہ میں پڑھائی جاتی ہے۔
ہمارے مرکز نے اس کتاب کے علمی مراجعہ اور اس میں موجود خلل کی اصلاح کے لیے کافی محنت کی ہے اور محقق نے اپنی تخریجات اور اپنے حاشیہ کے ذریعے اس مخطوطہ میں حذف ہونے والے یا پھر کسی وجہ سے نہ لکھے جانے والے مواد کو ظاہر کیا ہے۔ محقق نے اس کو انتہائی محنت کے ساتھ پرنٹنگ اور اشاعت کے قابل بنایا ہے۔ ہمارے نزدیک یہ کتاب حوزہ میں تحقیق کے علمی منہج کے طور پر پڑھائے جانے کے قابل ہے۔