گائیڈنس اینڈ سپورٹ کمیٹی کے وفد کا الحضر آپریشنل سیکٹرز کا دورہ

روضہ مبارک حضرت عباس علیہ السلام کی گائیڈنس اینڈ سپورٹ کمیٹی جنگ ختم ہونے اور سرزمین وطن کے تمام حصوں کو داعش کے غاصبانہ نہ اور ظالمانہ قبضے سے چھڑوانے کے باوجود بھی سکیورٹی اہلکاروں اور پاپولر موبلائزیشن کے جوانوں کی اخلاقی اور لاجسٹک سپورٹ جاری رکھے ہوئے ہے۔ اس مرتبہ کمیٹی کی جانب سے الحضر آپریشنل سیکٹر میں انصار مرجیعہ بریگیڈ (بریگیڈ 44 / پاپولر موبلائزیشن) کے جوانوں کی حوصلہ افزائی اور انھیں اخلاقی اور لاجسٹک سپورٹ کی فراہمی کے لیے خصوصی دورہ کیا گیا۔
گائیڈنس اینڈ سپورٹ کمیٹی کا یہ دورہ ڈویژن کے زیر اہتمام فیلڈ ٹورزکی ایک سیریز کا ایک حصہ ہے اور اس فیلڈ ٹور کا شیڈیول پہلے سے مرتب کیا گیا تھا۔
گائیڈنس اینڈ سپورٹ کمیٹی سربراہ شیخ حیدر العارضی نے الکفیل نیٹ ورک سے بات کرتے ہوئے کہا: “کمیٹی کے وفود اب بھی مختلف آپریشنل سیکٹرزمیں پاپولر موبلائزیشن فورسز کے جوانوں کو اخلاقی اور لاجسٹک سپورٹ کی فراہمی کے لیے غیر معمولی کوششیں جاری رکھے ہوئے ہیں۔ اس مقصد کے لئے ایک شیڈول تیار کیا گیا ہے اور آج یہ دورہ الحضر آپریشنل سیکٹرکا تھا تاکہ وہاں تعینات انصار مرجیعہ بریگیڈ (بریگیڈ 44 / پاپولر موبلائزیشن) کے جوانوں سے ملاقات کی جاسکے۔
انہوں نے مزید کہا ، "دورے کے دوران بریگیڈ رہنماؤں کے ساتھ ایک میٹنگ بھی کی گئی اور انہیں اعلی مذہبی قیادت کا سلام اور دعاوں پر مشتمل پیغام بھی پہنچایا گیا۔ وفد نے انھیں احتیاط برتنے، احکامات کی پابندی کرنے اور داعش کی سازشوں اورسفاکیوں سےہوشیار رہنےکی تاکید کی۔
وفد نے جوانوں کی حوصلہ افزائی اور انہیں اخلاقی اور لاجسٹک سپورٹ فراہم کرنے کے ساتھ ساتھ روضہ مبارک حضرت عباس علیہ السلام کی جانب سے تحائف بھی فراہم کیے۔
پاپولر موبلائزیشن کے جوانوں نے اس مدد اور تعاون پر اعلیٰ دینی قیادت کا شکریہ ادا کرتے ہوئے کہا کہ اعلیٰ دینی قیادت کی جانب سے اخلاقی اور روحانی مدد ان کے وطن کی حفاظت کے ارادوں کو مصمم اور عزائم کو بلند کرتی ہے۔
جوانوں نے روضہ مبارک حضرت عباس علیہ السلام کی جانب سے لاجسٹک سپورٹ اور تحائف بھیجنے پر بھی شکریہ ادا کیا۔