گذشتہ سال 2020 کے دوران ایک ملین سے زیادہ مومنین کی نیابت میں مراسم زیارت ادا کئے گئے

وضہ مبارک حضرت عباس(‏ع) کے میڈیا سیکشن کے انفارمیشن ٹیکنالوجی اینڈ نیٹ ورکس ڈویژن نے اعلان کیا ہے کہ روضہ مبارک کی (عربي – انگریزی – فارسی - تركی – اردو - فرانسيسی – سواحلی – اور جرمنی زبان میں نشر ہونے والی) رسمی ویب سائٹ الکفیل انٹر نیشل نیٹ ورک نے دنیا کے مختلف ممالک سے تعلق رکھنے والے (1,168,608) ایک ملین سے زیادہ مومنین کی نیابت میں مراسیم زیارت ادا کیے گئے ہیں۔
اس بارے میں مذکورہ بالا شعبہ کے انچارج حيدر طالب عبد الامير نے بتایا ہے کہ عمومی طور پر پوری دنیا اور خاص طور پر عراق کورونا وائرس کی وجہ غیر معمولی صورت حال سے گزر رہا ہے اور مومنین حضرت امام حسین(ع) اور ان کے بھائی حضرت عباس(ع) کی زیارت کے لیے نہیں آ پا رہے، یہی سبب ہے کہ گذشتہ سال الکفیل انٹرنیشنل نیٹ ورک کے صفحہ ’’نیابت میں زیارت‘‘ میں دنیا بھر سے تعلق رکھنے والے مومنین کی بڑی تعداد کی جانب سے زیارت کی ادائیگی کے لئے اپنے اور اپنے عزیزوں کے نام لکھوائے گئے۔ لہذا ’’نیابت میں زیارت‘‘ کے صفحہ میں جن مومنین نے نام درج کیے گئے تھے ان کی نیابت میں زیارت پڑھنے کے لیے روضہ مبارک حضرت عباس علیہ السلام کی طرف سےسادۃ الخدام کو کربلا کے دونوں حرموں میں زیارت پڑھنے کے لیے مامور کیا گیا کہ جنہوں نے مندرجہ افراد کی نیابت میں زیارت پڑھنے اور دو رکعت نماز زیارت ادا کرنے کا شرف حاصل کیا۔ جبکہ عراق کے اندر اور باہر دیگر مقامات مقدسہ جن میں روضہ مبارک امام علی علیہ السلام، بغداد میں روضہ مبارک امام الکاظم اور امام الجواد علیہم السلام ، سامرا میں روضہ مبارک امام الہادی اور امام العسکری(علیہم السلام)، نیز مدینہ منورہ میں واقع جنت البقع قبرستان میں حضرت فاطمہ الزہرا (سلام اللہ علیہا) اور ائمہ(علیہم السلام) کی زیارت، اور شام میں حضرت زینب (سلام اللہ علیہا) اور ایران میں امام رضا (علیہ السلام) اور حضرت معصومہ اور (سلام اللہ علیہا) شامل تھے، رضاکاروں کو ہر مناسبت کے مطابق زیارت ادا کرنے کے لئے تفویض کیا گیا تھا، "
انھوں نے مزید بتایا کہ نیابت میں زیارت کے لیے نام درج کرنے والوں میں سے اکثر کا تعلق (عراق، ايران، لبنان، پاكستان، روس، امريكہ، برطانيہ، ہندوستان، چیک ریپبلک، کروشیا، سعودی عرب، سويڈن، كینڈا، كويت، ملیشیا، آسٹرلیا، الجزائر، بحرين، مصر، جرمنی، آئس لینڈ، آسٹریا، يونان، ہالینڈ، تیونس،ڈنمارك، نارويج، قطر، بلجيئم، مرکش، افغانستان، عُمان، اكواڈور، برازيل، ارجٹائن، سویئزرلینڈ ، نائیيجيريا، گانا، يمن، إنڈونيشيا، اٹلی، سپین، فرانس، تركی، آذربيجان، قبرص، فن لینڈ، چين، آئر لینڈ، ہانگ کانگ، جاپان، امارات، سوڈان)".سے تھا۔
واضح رہے روضہ مبارک حضرت عباس علیہ السلام کی ویب سائٹ میں ''نیابت میں زیارت '' کا صفحہ خاص طور پر ان مومنین اور محبانِ اہل بیت کے لیے بنایا ہے کہ جو کسی بھی وجہ سے کربلا آ کر امام حسین علیہ السلام اور حضرت عباس علیہ السلام کی زیارت نہیں کر سکتے اس صفحہ میں اپنا نام اور مطلوبہ معلومات درج کرنے والے ہر شخص کی طرف سے روضہ مبارک حضرت عباس علیہ السلام کے خدام روضہ مبارک میں نیابت میں زیارت اور نماز پڑھتے ہیں۔ پورا سال ''نیابت میں زیارت '' کے صفحہ کے ذریعے لاکھوں مومنین دنیا کے ہر کونے میں بیٹھ کر اپنی طرف سے امام حسین علیہ السلام، حضرت عباس علیہ السلام اور دوسرے معصومین علیہم السلام کی زیارت پڑھواتے ہیں۔
اگر آپ بھی اپنی نیابت میں یا اپنے کسی عزیز کی نیابت میں زیارت اور دو رکعت نماز پڑھوانا چاہتے ہیں تو اس لنک کو استعمال کریں:
https://alkafeel.net/zyara/lang-ur