انجینئرنگ مینٹیننس اینڈ کنسٹرکشن ڈیپارٹمنٹ نے شلامچہ بارڈر کراسنگ پر واقع مرکزصحت کی بحالی اورمرمت کا کام مکمل کر لیا ہے

روضہ مبارک حضرت عباس علیہ السلام کے انجینئرنگ مینٹیننس اینڈ کنسٹرکشن ڈیپارٹمنٹ کے عملے نے شلامچہ بارڈر کراسنگ پر واقع مرکزصحت کی بحالی اورمرمت کا کام مکمل کر لیا ہے۔

مذکورہ بالا شعبے کے سربراہ انجینئر سمیر عباس نے الکفیل نیٹ ورک سے بات کرتے ہوئے کہا: " شلامچہ بارڈر کراسنگ پر واقع مرکزصحت کی بحالی اور ترقی کے لئے یہ اقدامات بصرہ ہیلتھ ڈیپارٹمنٹ کی طرف سے درخواست موصول ہونے کے بعد کیے گئے تھے۔ روضہ مبارک حضرت عباس علیہ السلام کے جنرل سیکریٹریٹ سے منظوری حاصل کرنے کے بعد ایک تکنیکی ٹیم تشکیل دی گئی اور مرکز کا فیلڈ سروے کرنے کے بعد اس مرکز کی بحالی و مرمت کے لئے کام شروع کر دیا گیا تھا۔ "

انہوں نے کہا کہ مرکزصحت کی مرمت و بحالی کے لئے مندرجہ ذیل اقدامات کئے گئے تھے :
سینٹر کے نو مرکزی ہالز کی مرمت وبحالی اور انھیں تمام تر مطلوبہ طبی آلات اور مشینری کی فراہمی،
سینٹر کی مرکزی اور ثانوی راہداریوں کی تعمیر نو،
مرکز کے تمام سسٹمز (بجلی - پانی - آگ - کیمرا - حفظان صحت) کی بحالی،
550 مربع میٹر رقبے پر مشتمل ویٹنگ ہال کی تعمیر۔
انہوں نے مزید کہا کہ ہمارا سٹاف روزانہ 12 گھنٹوں کی اوسط سے کام کرتے ہوئے اس منصوبے کو مقررہ مدت میں مکمل کیا ہے۔