العربية
English
فارسى
Türkçe
Français
Deutsch
Kiswahili
Español
مقام امام مہدی کے مکرم خدام کی ان غیر معمولی خدمات سے واقفیت حاصل کرنے کے لئے شعبہ مقام امام مہدی (عجّل الله فرجه الشريف) کے سربراہ الحاج عدنان نعمة الضعيف نے الکفیل نیٹ ورک سے گفتگو کرتے ہوئے کہا: "کورونا وبا کی موجودہ صورتحال کے پیش نظر ہم نے نیمہ شعبان کی زیارت کے لئے مربوط اور وسیع تر تیاریاں کر رکھی تھیں۔ اس مقدس مقام سے وابستہ ڈویژنز اوریونٹس نے سیکیورٹی ، خدمات اور صحت کے منصوبے پر عملدرآمد کرنے کے لئے مسلسل اور غیر معمولی کوششیں کی ہیں۔ وزارت صحت کی ہدایات کے مطابق اور سخت احتیاطی تدابیر کے درمیان ہمارے عملے نے زائرین شعبانیہ کو مراسم زیارت اور عبادات کی آسانی کے ساتھ ادائیگی کے لئے مسلسل خدمات فراہم کی ہیں، جبکہ زائرین کی نقل و حرکت کو منظم رکھتے ہوئے بھیڑ کو کم کرنے اور معاشرتی فاصلے کے اصول کو جتنا ممکن ہوسکتا تھا برقرار رکھنے کے لئے بھی بھرپور کوششیں کی ہیں۔
انہوں نے مزید کہا: "اس مقام مقدسہ کے توسیعی منصوبے کے ضمن میں نئے تعمیر کئے گئے ہالز نے بھیڑ کو کم کرنے اور زائرین کو حفاظتی تدابیر کے درمیان زیادہ جگہ فراہم کرنے میں اہم کردار ادا کیا ہے اور ہمارے عملے نے مقام امام مہدی کے اند اور باہر اور اس سے ملحقہ راستوں میں سیکیورٹی ، خدمات اور صحت کے منصوبے کو عملی جامہ پہنانے کے لئے چوبیس گھنٹے کام کیا ہے۔
انہوں نےکہا ، " اس کے علاوہ ہمارے عملے نے زائرین میں مٹھائیاں اور پانی کی بوتلیں بھی تقسیم کیں اور صفائی کو برقرار رکھنے کے لئے مسلسل مہمات بھی چلائیں ہیں۔"
