العربية
English
فارسى
Türkçe
Français
Deutsch
Kiswahili
Español
روضہ مبارک حضرت عباس علیہ السلام کے شعبہ تربیت و اعلی تعلیم کے سربراہ ڈاکٹر احمد صبیح الکعبی نے کہا: "العمید ایجوکیشنل گروپ ہر تعلیمی سال میں بہترین کارکردگی کا مظاہرہ کرنے والے اور اعلی گریڈ حاصل کرنے والے سٹوڈنٹس کے اعزاز میں جشنیئہ تقریب کا انعقاد کرتا ہے۔ یہ اعزازی تقریب تمام مضامین میں(100٪) نمبرز حاصل کرنے والے ہونہار طلباء کے لئے منعقد کی گئی تھی۔
انھوں نے مزید کہا:" العمید ایجوکیشنل گروپ ہمیشہ طلباء کی بہترین تعلیم و تربیت کرنے اور ان کی جانب سے اعلی کارکردگی دکھانے کا خواہشمند ہے۔ یہی وجہ ہے کہ ہم طالب علموں کی حوصلہ افزائی کرتے ہیں۔ ان کی تعلیمی قابلیت میں بہتری لانے کے لئے انہیں مستقل مشورے اور رہنمائی فراہم کرتے ہیں اور اعلی کارکردگی دکھانے پر انھیں انعام دیتے ہیں۔
العمید پرائمری اسکول فار بوائز کے پرنسپل پروفیسر عبد علی عبد نے اس موقع پر بات کرتے ہوئے کہا: "طلباء ہمارے معاشرے کا مستقبل ہیں اور نمایاں کارکردگی کا مظاہرہ کرنے والے یہ بچے آگے چل کر بہت سے شعبوں میں اپنے ملک کی خدمت کریں گے۔ "
انھوں نے مزید کہا: "تمام تعلیمی سطوح پر ہونہار طلبا کی حوصلہ افزائی اور تکریم ایک سالانہ روایت ہے اور ایک ایسی یادگار جو اعلی تعلیمی مراحل میں جانے سے پہلے طلباء کے ذہنوں پر اپنا نشان چھوڑتی ہے۔"
