دس محرم 1435ھ کی رات دینی طلاب کا ماتمی جلوس تمام مؤمنین کے لئے نمونہ عمل کی حیثیت رکھتا ہے۔

شب عاشور 1435ھ بمطابق 13 نومبر 2013ء کو کربلا کے حوزہ اور دینی مدارس میں پڑھنے والے دینی طلاب کا بہت بڑا جلوس بر آمد ہوا کہ جو مشہور نوحہ (( کربلا لا زلت کربا و بلا یعنی کربلا اب بھی کرب و بلا ہے )) پڑھ رہے تھے۔
دینی طلاب کے اس ماتمی جلوس میں حوزہ علمیہ کربلا میں پڑھنے والے طلاب اور پڑھانے والے اساتذہ کی بہت بڑی تعداد نے شرکت کی۔ یہ ماتمی جلوس اپنے مقررہ راستوں سے ہوتا ہوا پہلے حضرت عباس علیہ السلام کے روضہ مبارک میں پُرسہ دینے کے لئے پہنچا کہ جہاں ماتم داری کے بعد یہ جلوس عزاء ما بین الحرمین سے ہوتا ہوا امام حسین علیہ السلام کے روضہ مبارک میں پہنچا کہ جہاں ماتم اور دعا کے بعد یہ ماتمی جلوس اختتام پذیر ہو گیا۔
واضح رہے کہ دینی طلاب کا احکام الہٰی کی تبلیغ اور شعائر حسینی کے قیام اور لوگوں تک حسینی فکر پہنچانے میں ہمیشہ سے اہم کردار رہا ہے۔ تمام حوزاتِ علمیہ میں پڑھنے والے طلاب فقہاء کے نمائندوں کی مانند ہوتے ہیں لہٰذا شبِ عاشور کو کربلا میں دینی طلاب کا یہ ماتمی جلوس تمام مؤمنین کے لئے نمونہ عمل کی حیثیت رکھتا ہے۔