العربية
English
فارسى
Türkçe
Français
Deutsch
Kiswahili
Español
طے شدہ پروگرام کے تحت اہل کربلا کے مواکب کا قافلہ کربلا سے بسوں میں روانہ ہو گا اور بابل گورنریٹ کے شہر حمزہ غربی پہنچنے پر وہاں کے رہنے والوں کی طرف سے اس قافلہ کا استقبال کیا جائے گا اور وہاں کے مومنین جناب معصومہ(س) اور ان کے بھائی امام رضا(ع) کے لیے تعزیتی پیغام اہل کربلا کے سپرد کریں گے۔
اسی طرح عراق اور ایران کے سرحدی شہر بدرہ پہنچنے پر بھی وہاں کے مومنین کی طرف سے اس قافلہ کے لیے ضیافت اور مہمان نوازی کا فریضہ سرانجام دیا جائے گا اور تعزیتی پیغام اہل کربلا کے سپرد کیا جائے گا۔
جب یہ قافلہ قم مقدسہ پہنچے گا تو اہل قم اور وہاں رہنے والی عراقی کمیونٹی کی طرف سے ضیافت کا اہتمام کیا جائے گا اور پھر جناب معصومہ قم(س) کے روضہ مبارک میں عزاداری کے قیام کے بعد یہ قافلہ مشہد مقدس کی طرف روانہ ہو جائے گا اور وہاں امام رضا(ع) کے روضہ مبارک میں ان کی بہن کے یوم وفات کے حوالے منعقد عزائی تقریبات میں شرکت کرے گا اور اہل کربلا اور اہل عراق کی طرف سے تعزیت پیش کرے گا۔