العربية
English
فارسى
Türkçe
Français
Deutsch
Kiswahili
Español
روضہ مبارک حضرت عباس علیہ السلام کے متولی شرعی سید احمد الصافی نے جرمن سفیر کا استقبال کیا اور انہیں بغداد میں بطور سفیرعہدہ سنبھالنے پر مبارکباد پیش کی اور نیک خواہشات کا اظہار کیا۔
ملاقات کے دوران روضہ مبارک حضرت عباس علیہ السلام کے متعدد ایسے منصوبوں کا بھی جائزہ لیا گیا جن میں جرمن کمپنیوں کا کردار تھا، جیسے کہ پرنٹنگ، صنعتی اور طبی منصوبے اور عجائب گھر۔
ملاقات کے اختتام پر جرمن سفیر نے حضرت عباس علیہ السلام کے روضہ مبارک کی مختلف شعبہ جات میں کارکردگی کو بے حد سراہا۔
انہوں نے اس دورے کے انعقاد پر اپنی خوشی کا اظہار بھی کیا، کیونکہ کربلا کا یہ دورہ اپنی نوعیت کا پہلا دورہ ہے۔
انھوں نے وضاحت کرتے ہوئے کہا، "میں اس شہر اور اس کے مقدس مقامات کے بارے میں مزید جاننے کے لیے آیا تھا اور یہ دورہ کامیاب رہا اور میں نے یہاں آ کر بہت کچھ سیکھا ہے۔ میں روضہ مبارک اور جرمن کمپنیوں کے درمیان تعاون اور مضبوط روابط کے فروغ کے لیے خدمات پیش کرنے کے لیے تیار ہوں۔"
