العربية
English
فارسى
Türkçe
Français
Deutsch
Kiswahili
Español
یہ چیئرٹی مارکیٹ الکفیل یونیورسٹی کے شعبہ نفسیاتی مشاورت اور تعلیمی رہنمائی کے زیر اہتمام منعقد کی گئی تھی جس کا افتتاح الکفیل یونیورسٹی کے صدر پروفیسر ڈاکٹر نورس الدھان نے کیا۔ چیئرٹی مارکیٹ کا انعقاد مذکورہ بالا شعبے کی ثقافتی سرگرمیوں کا حصہ ہے۔ اس مارکیٹ میں دستکاری، ملبوسات، پینٹگز، سیرامک کے آرائشی سامان و فن پاروں، کتابوں اور کھانے پینے کی اشیاء کے سٹالز لگائے گئے تھے۔
مذکورہ شعبہ کے سربراہ ڈاکٹر حسام علی حسن العبیدی نے الکفیل نیٹ ورک کو بتایا: "ہمارے شعبہ کی جانب سے بہت ساری نصابی اور غیر نصابی سرگرمیاں اور تقریبات کا انعقاد کیا جاتا ہے جن میں یہ خیراتی بازار بھی شامل ہے، جس کا مقصد یونیورسٹی کے طلباء میں تعاون اور ملکر کام کرنے کے جذبے کو فروغ دینا ہے۔"
انہوں نے وضاحت کرتے ہوئےکہا، "یہ اقدام یونیورسٹی کی سماجی ذمہ داری کے تصور کی بھی نمائندگی کرتا ہے۔ یونیورسٹی ایسی سرگرمیوں، تقریبات اور اگاہی و تعلیمی لیکچرز کا اہتمام کر کے اپنے طلباء میں رضاکارانہ کام کرنے کا جوش وجذبہ پیدا کرتی ہے اور ان میں سماجی ذمہ داریوں کی سمجھ بوجھ اور انھیں پورا کرنے کا شعور دیتی ہے اور طلباء علمی اداروں کی ترجمانی کرتے ہوئے نہ صرف سماجی خدمات اور ضرورت مند طبقات سے اظہاریکجہتی اور تعاون کا فریضہ انجام دیتے ہیں بلکہ معاشرے میں بہترین روایات اور کشادہ دلی کو فروغ دینے میں بھی اہم کردار ادا کرتے ہیں۔"
