سالانہ تہران انٹرنیشنل بک فیئر میں عراق کے مقامات مقدسہ کی متنوع اور ممتاز شرکت

33ویں سالانہ تہران انٹرنیشنل بک فیئر میں عراق کے مقدس روضے (امام علی علیہ السلام، حضرت امام حسین علیہ السلام اور حضرت عباس علیہ السلام ) اپنے علمی، ادبی، ثقافتی اور خدماتی پبلیکیشنز کے ساتھ بھرپور شرکت کر رہے ہیں اور مقامات مقدسہ کی جانب سے نمائش کے لئے پیش کی گئی مطبوعات اور کتابیں اپنے موضوعات، تنوع، قیمت اور ڈیزائن کے لحاظ سے ممتاز اور توجہ کا مرکز ہیں۔

روضہ مبارک امام علی علیہ السلام کے پویلین کے انچارج جناب حیدر الموسوی نے کہا کہ ہم دو سو سے زیادہ اشاعتوں کے ساتھ نمائشمیں حصہ لےرہے ہیں جن میں پرانے نجف رسالے (1905ء) سے (1965ء) تک کی (70) اشاعتیں، امیر المومنین علیہ السلام کی سوانح عمری اورمتعدد غیر ملکی زبانوں میں (45) ثقافتی اشاعتیں شامل ہیں۔
انہوں نے مزید کہا، "ہمارا مقصد یقیناً اہل بیت علیہم السلام کی فکر اور ثقافت کو پھیلانا ہے۔"

روضہ مبارک حضرت امام حسین علیہ السلام کے میڈیا ڈیپارٹمنٹ کے اسسٹنٹ ہیڈپروفیسر علی شبر نے کہا، "ہم نے فقہ، عقائد، علوم اور تفسیر قرآن سے متعلق (600) عنوانات کو سبسکرائب کیا ہے۔ امام حسین علیہ السلام کی زندگی سے متعلق کتابیں، اور بہت سے ریفرنس میگزین ہمارے پویلین کے علمی و ثقافتی خزانے کا حصہ ہیں۔"

انہوں نے مزید کہا، "ہمارا پویلین، حرمِ عباس (ع) کے پویلین کے ساتھ شراکت میں، اپنے زائرین کے لیے ایک فکری مقابلے کی میزبانی کر رہا ہے، اس کے علاوہ ایک (امام حسین کے مزار کے لیے ایک پیغام) بھی ہمارے پویلین کی اہم ثقافتی سرگرمی ہے۔"