العربية
English
فارسى
Türkçe
Français
Deutsch
Kiswahili
Español
واٹر ڈویژن کے سربراہ انجینئر بسام الهاشمي نے کہا کہ روضہ مبارک حضرت عباس علیہ السلام ایسے خدماتی منصوبوں پر ترجیحی بنیادوں پر کام کرتا ہے جن کا معاشرے اور عراقی شہریوں کی زندگی سے براہ راست تعلق ہوتا ہے اور جتنا ہو سکے شہریوں کی مدد اور خدمت اور ان کے مسائل کو حل کرنے میں اہم کردار ادا کرتا ہے۔ پینے کے صاف پانی کی کمی کو پورا کرنے کے لئے روضہ مبارک حضرت عباس علیہ السلام نے کئی علاقوں میں واٹر ڈیسیلینیشن اسٹیشن (آر او اسٹیشن) قائم کیے ہیں تاکہ زندگی کی اس بنیادی ضرورت کی فراہمی کو ممکن بنایا جا سکے۔ یہی وجہ ہے کہ کربلا اور دیگر علاقوں میں واٹر ٹریٹمنٹ اسٹیشنز کی تعمیر اور آلات کی تنصیب انجینئرنگ پراجیکٹس ڈیپارٹمنٹ کے اہم منصوبوں میں سے ہے۔ ڈیپارٹمنٹ کی جانب سے کربلا اور دیگر علاقوں میں زائرین کرام اور شہریوں کو پینے کے صاف پانی کی فراہمی کے لئے 25 سے زائد واٹر ٹریٹمنٹ اسٹیشن (آر.او اسٹیشن) لگائے گئے ہیں ، جن کی پیداواری صلاحیت 80،000 لیٹر فی گھنٹہ سے زیادہ ہے۔
انہوں نے اس بات پر زور دیا کہ: "اس واٹر ٹریٹمنٹ پلانٹ کی فوری تنصیب کے لئے ہم نے تکنیکی ٹیم تشکیل دی جس نے اسٹیشن کی سائٹ کا سروے کرنے کے بعد تعمیر اور تنصیب کام شروع کر دیا تھا۔ یہ واٹر ٹریٹمنٹ پلانٹ 2000 لیٹر فی گھنٹہ کی پیداواری صلاحیت کا حامل ہے اور اعلی معیار کے الیکٹرک پمپس ، فلٹرز، پائپ لائنز اور سٹورنگ ٹینکس پر مشتمل ہے۔ "
انہوں نے مزید کہا، "یہ اسٹیشن اردگرد کے رہائشی علاقوں کو بھی پانی فراہم کرے گا، کیونکہ یہ علاقہ بھی پینے کے پانی کی کمی کا شکار ہے، اس کے علاوہ یہ اسٹیشن ایک اہم ترین راستے پر واقع ہے جیسے زائرین کرام سارا سال استعمال کرتے ہیں، اور حسینی خدماتی مواکب کی بہت بڑی تعداد بھی یہاں ایام زیارت کے دوران خدمات فراہم کرتی ہے، خاص طور پر ملین مارچ کے دوران، تو یہ واٹر سٹیشن زائرین اور مواکب کی بھی پانی کی ضروریات پوری کرے گا۔"
