الکفیل اسکاؤٹس ایسوسی ایشن نے پرائمری اور مڈل سکولوں کے (800) طلبہ کی شرکت سے سمر اسکاؤٹ پروگرام کے پہلے مرحلے کا آغاز کر دیا ہے

روضہ مبارک حضرت عباس علیہ السلام کے میڈیا ڈیپارٹمنٹ کے یوتھ اینڈ چلڈرن ڈویژن سے وابستہ الکفیل اسکاؤٹس ایسوسی ایشن نے پرائمری اور مڈل سکولوں کے (800) طلبہ کی شرکت سے سمر اسکاؤٹ پروگرام کے پہلے ورژن کا آغاز کر دیا ہے تاکہ گرمیوں کی تعطیلات کو سکول کے طلاب کے لیے ثمر آور بنایا جا سکے اور دینی، اخلاقی، ثقافتی، علمی اور تفریحی پروگرامز کے انعقاد کے ذریعے مختلف امور کی تربیت دی جا سکے۔
ڈویژن کے انچارج جناب حسنین فاروق نے الکفیل نیٹ ورک کو بتایا، "اس پروگرام کا پہلا ورژن، جو کہ کربلا گورنریٹ میں اسکاؤٹنگ کی سب سے بڑی سرگرمیوں میں سے ایک ہے، الکفیل اسکاؤٹس ایسوسی ایشن کے تعلیمی و تربیتی پروگراموں کا تسلسل ہے۔ یہ پروگرام موسم گرما کی تعطیلات کے لیے سرمایہ کاری کرتے ہوئے طلبہ کی شخصیت سازی کرنا اور انھیں انسانی اور اسلامی اقدارسے روشناس کرنا ہے۔"

انہوں نے مزید کہا، "اس پروگرام کے لیے (800) طلباء نے رجسٹریشن کروائی ہے جنھیں عمر اور مختلف کیٹگریز کی بنیاد پر (25) سکاؤٹ ٹیموں میں تقسیم کیا گیا۔

ڈیڑھ ماہ تک جاری رہنے والے اس پروگرام کی کلاسز اور کیمپس شہر کے مختلف مقامات پر منعقد کئے جائیں گےجن میں (المركز – سيف سعد – الحسينيّة – الحرّ) اور العباس ریزیڈنشل کمپلیکس شامل ہیں اور وہاں انہیں دینی، اخلاقی، ثقافتی، علمی اور سائنسی موضوعات پر مشتمل لیکچرز دئیے جائیں گے اور اس کے علاوہ کھیلوں اور ورزش کے ذریعے ان کی جسمانی تربیت بھی کی جائے گی۔

اس پروگرام میں ایک خاص بات بچوں کے آئی کیو لیول کو بڑھانے کی مشقیں ہیں کہ جن کی بدولت طلاب نا صرف اپنی تعلیمی سرگرمیوں میں آگے بڑھتے ہیں بلکہ ان میں خود اعتمادی اور قائدانہ صلاحیتیں بھی جنم لیتی ہیں۔پروگرام کے پیراگراف ایک منصوبے کے مطابق اور اس مقصد کے لیے تیار کیے گئے پیراگراف، یہ سب اس نوجوان کی شخصیت کی تعمیر میں اہم کردار ادا کرتے ہیں۔"