شعبةُ الخطابة الحسينيّة کی جانب سے امام محمد تقی علیہ السلام کی المناک شھادت کی یاد سالانہ مجالس عزاء کا انعقاد

روضہ مبارک حضرت عباس علیہ السلام سے وابستہ شعبةُ الخطابة الحسينيّة کی جانب سے نور ہدایت کے نویں امام اور باب المراد حضرت امام محمد علیہ السلام کی المناک شھادت کی یاد سالانہ مجالس عزاء کا انعقاد کیا گیا۔

یہ تین روزہ سالانہ مجالس عزاء ہر روز صبح اور شام روضہ مبارک حضرت عباس علیہ السلام کے صحن ا طہر میں برپا کی گئیں جن میں زائرین کرام اور روضہ مبارک حضرت عباس علیہ السلام کے خدام نے شرکت کی اور اس سلسلے کی آخری مجلس عزاء کل بروز بدھ شام روضہ مبارک حضرت عباس علیہ السلام کے صحن اطہر میں منعقد کی گئی۔

شعبةُ الخطابة الحسينيّة کے سربراہ شيخ عبد الصاحب الطائي نے الکفیل نیٹ ورک کو بتایا کہ ہم ہر سال مشروع أمّ البنين(عليها السلام) التبليغيّ کے ضمن میں اہل بیت اور ائمہ کرام علیہم السلام کے جشن ولادت اور ایام شہادت کے احیاء کے لئے محافل اور مجالس کا انعقاد کرتے ہیں۔ امام محمد تقی علیہ السلام کی المناک شھادت کی یاد منعقد کی جانے والی یہ سالانہ مجالس عزاء بھی اسی منصوبے کا حصہ ہیں۔
ان سالانہ مجالس کے مارننگ اور ایوننگ سیشنز سے معروف خطباء نے خطاب کرتے ہوئے امام علیہ السلام کے فضائل و مناقب، علمی خدمات اور مصائب بیان کئے اور مذہب اہل بیت علیہم السلام کی حفاظت و بقاء کے لئے آپ علیہ السلام کی کوششوں اور قربانیوں پر بھی روشنی ڈالی۔
ہر مجلس کے اختتام پر نوحہ خوانی بھی کی گئی۔

روایت کے مطابق حضرت امام محمد تقی علیہ السلام کو معتصم بن ھارون نے زہر دے کر ماہ ذی القعدہ کے آخری دن (220هـ) شہید کیا۔