العربية
English
فارسى
Türkçe
Français
Deutsch
Kiswahili
Español
الکفیل اسکاؤٹس ایسوسی ایشن کے علی عبد زید نے الکفیل نیٹ ورک کو بتایا"سمر اسکاؤٹ پروگرام موسم گرما کی تعطیلات کی آمد کے ساتھ شروع کیا گیا تھا تاکہ گرمیوں کی تعطیلات کو سکول کے طلاب کے لیے ثمر آور بنایا جا سکے اور دینی، اخلاقی، ثقافتی، علمی اور تفریحی پروگرامز کے انعقاد کے ذریعے انھیں مختلف امور کی تربیت دی جا سکے۔ اس پروگراسم کو وسعت دیتے ہوئے اس کا ایک حصہ دور دراز کے علاقوں کے طلباء کے لیے مختص کیا گیا ہے تاکہ دوردراز علاقوں میں رہنے والے طلباء بھی اپنے فارغ اوقات میں اس پروگرام سے استفادہ کر سکیں۔" ۔
انھوں نے کہا: "ڈیڑھ ماہ تک جاری رہنے والے اس پروگرام میں طلباء کو دینی، اخلاقی، ثقافتی، علمی اور سائنسی موضوعات پر مشتمل لیکچرز دئیے جائیں گے اور اس کے علاوہ کھیلوں اور ورزش کے ذریعے ان کی جسمانی تربیت بھی کی جائے گی۔
اس پروگرام میں ایک خاص بات بچوں کے آئی کیو لیول کو بڑھانے کی مشقیں ہیں کہ جن کی بدولت طلاب نا صرف اپنی تعلیمی سرگرمیوں میں آگے بڑھتے ہیں بلکہ ان میں خود اعتمادی اور قائدانہ صلاحیتیں بھی جنم لیتی ہیں۔
اس پروگرام کے شرکاء اور ان کے اہل خانہ نے روضہ مبارک حضرت عباس علیہ السلام اور اس پروگرام کے منتظمین کا شکریہ ادا کیا کہ انہوں نے بچوں کو موسم گرما کی تعطیلات کا صحیح اور بامقصد استعمال کرنے کا موقع فراہم کیا۔
یہ بات قابل غور ہے کہ اس پروگرام کے لیے (800) طلباء نے رجسٹریشن کروائی ہے جنھیں عمر اور مختلف کیٹگریز کی بنیاد پر (25) سکاؤٹ ٹیموں میں تقسیم کیا گیا ہے۔
