برٹش رائل کالج لندن کے وفد کا الکفیل ہسپتال کا دورہ اور امتحانات کے انعقاد کی تیاریوں کا جائزہ

برٹش رائل کالج لندن کے وفد نے الکفیل ہسپتال کا دورہ کیا، جہاں انہیں ڈاکٹریٹ کے امتحانات کے انعقاد کی تیاریوں کے بارے میں بریفنگ دی گئی۔

عراق میں برٹش کالج کے مشیر ڈاکٹر ہلال الصفار نے کہا، "یہ امتحان عراق میں پہلی بار لندن میں برٹش رائل کالج کے تعاون سے کربلا مقدسہ میں روضہ مبارک حضرت عباس علیہ السلام سے منسلک الکفیل ہسپتال اور العمید یونیورسٹی منعقد کیا جا رہا ہے۔"

انہوں نے مزید کہا، " روضہ مبارک حضرت عباس علیہ السلام سے منسلک الکفیل ہسپتال میں جدید طبی سہولیات اور جدید ذرائع موجود ہیں، جو اسے برٹش کالج کی جانب سے ایک امتحانی مرکز کے طور پر تسلیم کرنے کا اہل بناتے ہیں، اور اسی طرح اسے برطانیہ کے عالمی نقشے پر الکفیل ہسپتال کا نام ظاہر کرنے اور رائل کالج کے ایک تسلیم شدہ امتحانی مرکز بننے کا باعث بنتے ہیں۔"

انہوں نے مزید کہا، "الکفیل ہسپتال اپنی جدید سہولیات، ممتاز خصوصیات، اور مستند ڈاکٹروں کی وجہ سے ممتاز ہے، اس کے علاوہ اس کی صفائی ستھرائی اور اس میں فراہم کی جانے والی خدمات، بستروں کی تعداد اور اس کی تمام سہولیات اسے جدید دور کے تقاضوں اور جدید خطوط پر استوار کرتی ہیں اور یہ عراق کے بہترین ہسپتالوں میں سے ایک ہے۔"

اپنی طرف سے برٹش رائل کالج کے پروفیسر ایگزامینر ڈاکٹر عباس الشریفی نے کہا، "ہمیں امید ہے کہ یہ امتحان ہر لحاظ سے کامیاب ہوگا، کیونکہ عراق برٹش رائل کالج کے لیے ایک امتحانی مرکز بننے کا مستحق ہے، اور یہ عراق میں باضابطہ طور پر رائل کالج کا امتحانی مرکز بننے کی طرف پہلا قدم ہے۔"