قرآن علمی کمپلیکس : ملک کے (12) گورنریٹس میں سمر قرآنی کورسز پروجیکٹ کا انعقاد کیا جا رہا ہے۔

روضہ مبارک حضرت عباس (ع) کے قرآن علمی کمپلیکس نے سمر قرآنی کورسز پروجیکٹ کا دائرہ وسیع کرتے ہوئے ملک کے مزید دو گورنریٹس میسان اورصلاح الدین کو اس منصوبے میں شامل کیا ہے اور اب ملک کے (12) گورنریٹس میں موسم گرما کی تعطیلات کے دوران سمر قرآنی کورسز پروجیکٹ کا انعقاد کیا جا رہا ہے۔

یہ پروجیکٹ طلباء کو پیش کیے جانے والے ثقافتی، علمی اور تفریحی پروگراموں کے علاوہ (تلاوت و تجوید کے احکام، حفظ قرآن، فقہ، عقائد، اخلاقیات، اور اہل بیت علیہم السلام کی سیرت) پر مشتمل اسباق فراہم کر رہا ہے۔ ان کورسز کے انعقاد کا مقصد ایک ایسی نسل تیار کرنا ہے جو قرآنی تعلیمات اور آئمہ اطہار علیہم السلام ام کی فکر پر عمل پیرا ہوتے ہوئے ایک بہترین معاشرے کے قیام میں اپنا کردار ادا کر سکے۔

یہ قرآنی منصوبہ ملک کے بارہ گورنریٹس کربلا، بغداد، نجف، بابل، دیوانیہ، مثنٰی، واسط، ذی قار، میسان، کرکوک، صلاح الدین اور دیالہ میں
قرآن علمی کمپلیکس سے منسلک قرآن انسٹی ٹیوٹ کے زیر نگرانی منعقد کیا جا رہا ہے۔

اس سال قرآن علمی کمپلیکس کی جانب سے منعقد کئے گئے قرآنی سمر کورسز پراجیکٹ میں (54,000) سے زیادہ طلباء شرکت کر رہے ہیں۔

پراجیکٹ کی آرگنائزنگ کمیٹی بچوں کو ایک مناسب تعلیمی ماحول فراہم کرنے کی خواہشمند تھی اور ان کورسز کے انعقاد کا مقصد ہی بچوں کی تعطیلات کو علمی، قرآنی، ثقافتی اور تفریحی اعتبار سے ثمر آور بنانا ہے۔