روضہ مبارک حضرت عباس (ع) میں سید الساجدین حضرت امام سجاد علیہ السلام کی المناک شھادت کی یاد میں مجالس عزاء کا انعقاد

روضہ مبارک حضرت عباس علیہ السلام سے وابستہ شعبةُ الخطابة الحسينيّة کی جانب سید الساجدین حضرت امام سجاد علیہ السلام کی المناک شھادت کی یاد میں سالانہ مجالس عزاء کا انعقاد کیا گیا۔

شعبةُ الخطابة الحسينيّة کے سربراہ شيخ عبد الصاحب الطائي نے الکفیل نیٹ ورک کو بتایا کہا کہ روضہ مبارک حضرت عباس علیہ السلام میں حضرت امام سجاد علیہ السلام کی المناک شھادت کی یاد میں سالانہ مجالس عزاء کا انعقاد کیا گیا۔ یہ تین روزہ سالانہ مجالس عزاء ہر روز صبح اور شام روضہ مبارک حضرت عباس علیہ السلام کے صحن ا طہر میں برپا کی گئیں جن میں زائرین کرام اور روضہ مبارک حضرت عباس علیہ السلام کے خدام نے شرکت کی۔

انہوں نے مزید کہا، "یہ مجالس ہر سال روضہ مبارک کے متولی شرعی سید احمد الصافی کی براہ راست رہنمائی میں منعقد کی جاتی ہیں۔ ان سالانہ مجالس کے مارننگ اور ایوننگ سیشنز سے معروف حسینی خطباء شيخ حسنين الخاقاني اور شيخ علي أبو الحواتم الطائي نے خطاب کرتے ہوئے امام علیہ السلام کے فضائل و مناقب، زہد و تقوی، علمی خدمات اور مصائب بیان کئے اور مذہب اہل بیت علیہم السلام کی حفاظت و بقاء کے لئے آپ علیہ السلام کی کوششوں اور قربانیوں پر بھی روشنی ڈالی جبکہ مجالس کے اختتام پر ملک کے معروف رادود جناب نزار القطري نے نوحہ خوانی کی۔

انہوں نے بتایا کہ ہم ہر سال مشروع أمّ البنين(عليها السلام) التبليغيّ کے ضمن میں اہل بیت اور ائمہ کرام علیہم السلام کے جشن ولادت اور ایام شہادت کے احیاء کے لئے ملک کے مختلف حصوں میں محافل اور مجالس کا انعقاد کرتے ہیں۔