العربية
English
فارسى
Türkçe
Français
Deutsch
Kiswahili
Español
انجینیئر ضیاء مجید صائغ
روضہ مبارک کے منصوبوں کو مضبوطی اور پائیداری میں نمایاں حیثیت حاصل ہے جس میں روضہ مبارک کے قابل اور اعلیٰ تعلیم یافتہ انجینیئروں اور عملے کا واضح کردار ہے اور تمام منصوبے عالمی معیار کے مطابق مکمل ہو رہے ہیں اور ان منصوبوں کو عوام الناس اور زائرین کرام کی خدمت کے لئے تیار کیا جا رہا ہے اور انہی منصوبوں میں سے یہ ہسپتال بھی ہے جس کو عوام الناس کے لئے بنایا گیا ہے۔
انجینیئر ضیاء مجید صائغ نے مزید گفتگو کرتے ہوئے کہا: دہشت گردوں کی کاروائیوں اور بم دھماکوں میں جو لوگ معذور ہوتے ہیں اس کے لئے ہم کو بہت بڑی مشکل کا سامنا کرنا پڑتا ہے اس وجہ سے روضہ مبارک نے اس ہسپتال کے منصوبے کو پایہ تکمیل تک پہنچایا ہے جس سے مرد، عورتیں بوڑھے اور بچے استفادہ کر سکیں گے اور ان کو طبعی اور مصنوعی اعضاء لگا کر ان کی زندگی کے دکھ و درد کو کچھ حد تک کم کیا جائے گا۔
انجینیئر ضیاء مجید صائغ نے اپنے خطاب کے آخر میں بتایا یہ ہسپتال 600 میٹر مربع پر پھیلا ہوا ہے اور اس کو تین منزلہ بنایا گیا ہے جس میں سنگ مرمر کو اندر اور باہر لگایا گیا ہے پہلی منزل پر ہسپتال کا انتظامی سیکشن، استقبالیہ، میڈیکل سٹور اور اس کے علاوہ دیگر ضروریات کو بنایا گیا ہے۔