وزیر داخلہ نے ابی الفضل العباس(ع) کمپلکس کی طرف سے زائرین کو پیش کی جانے والی خدمات کو بہت سراہا ہے

وزیر داخلہ عبد الامیر الشمری نے ابی الفضل العباس(ع) کمپلکس برائے خدماتِ زائرین کی طرف سے زائرین اربعین کو پیش کی جانے والی خدمات کو بہت سراہا ہے۔

الشمری نے آج کربلا کے گورنر نصیف جاسم الخطابی کے ہمراہ کمپلیکس کے دورہ کیا اور وہاں روضہ مبارک حضرت عباس(ع) کی مجلس ادارہ کے رکن سید جواد حسناوی اور دیگر عہدیداروں سے ملاقات کی اور کمپلکس میں پیش کی جانے والی خدمات کو بہت سراہا۔

اس دورے کا مقصد چہلم امام حسین(ع) کے احیاء کے لیے کربلا کی طرف پیدل آنے والے زائرین کو کمپلیکس کی جانب سے فراہم کی جانے والی مختلف خدمات کا جائزہ لینا تھا۔

وزیر داخلہ نے کمپلیکس کی طرف سے فراہم کی جانے والی تمام خدمات کی تعریف کی کہ جن میں کھانے کی تقسیم، آرام اور قیام کے لیے سہولیات، طبی اور ثقافتی خدمات کی فراہمی شامل ہے۔