گمشدہ افراد کی رہنمائی کے مراکز: ایام اربعین کے دوران 12000 سے زیادہ گمشدہ افراد کو ان کے اہل خانہ سے ملایا

گمشدہ افراد کی رہنمائی کے مراکز کی کمیٹی نے اپنے اعداد وشمار کے حوالے سے بتایا ہے کہ ان مراکز نے ایام اربعین کے دوران بارہ ہزار سے زیادہ افراد کو ان کے اہل خانہ اور ساتھیوں سے ملوانے میں کردار ادا کیا۔

روضہ مبارک حضرت عباس(ع) کی طرف سے قائم کیے گئے گمشدہ افراد کی رہنمائی کے مراکز کے سربراہ سید ماہر خالد نے بتایا ہے روضہ مبارک امام حسین(ع)، روضہ مبارک حضرت عباس(ع) اور معاون اداروں کی طرف سے گمشدہ افراد کی رہنمائی کے لیے لانچ کیے گئے پروگرام کی بدولت یکم صفر سے لے کر اکیس صفر تک کے ایام اربعین کے دوران ساتھیوں سے الگ ہونے والے (12,440) افراد کو ان کے عزیزوں اور ساتھیوں سے ملایا گيا۔

انہوں نے مزید کہاکہ یہ پروگرام کربلا گورنریٹ کے محکمہ صحت اور انرجی پولیس ڈائریکٹریٹ، اور بغداد، نجف، کربلا اور بابل گورنریٹ کے کمیونیکیشنز اینڈ انفارمیٹکس ڈائریکٹریٹ کے تعاون سے جاری رہا۔

انہوں نے بتایا کہ روضہ مبارک حضرت عباس(ع) کے تعلقات عامہ، میڈیا، اسٹورز، اور کمیونیکیشن ڈویژنز کے اہلکاروں اور الکفیل يوتھ کے (480) سے زیادہ رضاکاروں کے ذریعے (45) مراکز قائم کیے گئے۔