العربية
English
فارسى
Türkçe
Français
Deutsch
Kiswahili
Español
یہ فیسٹیول الکفیل دینی مدارس برائے خواتین کی جانب سے سیدۃ النساء العالمین جناب فاطمہ زہرا سلام اللہ علیہا کی ولادت باسعادت کو منانے کے لئے ہر سال منعقد کیا جاتا ہے اور اس سال چھٹا انٹرنیشنل روح النبوۃ کلچرل فیسٹیول (فاطمة الزهراء مجمع النورين النبوة والإمامة) کے نعرے کے تحت منعقد کیا جا رہا ہے۔
تیسرے دن کی سرگرمیوں کا آغاز قاریہ حورہ عامر یاسین نے تلاوت قرآن پاک سے کیا جس کے بعد صبح کے تحقیقی سیشن کا انعقاد کیا گیا، اس سیشن میں چار علمی مقالات پیش کئے جائیں گے۔
صبح کا تحقیقی اجلاس الکفیل یونیورسٹی کے صدر کی معاون برائے علمی امور ڈاکٹر نوال عائد الميالي کی صدارت میں منعقد ہو رہا ہے اور اجلاس کی نظامت مركز إحياء التراث العلمي العربي کی ڈاکٹر ایمان صالح مہدی کر رہی ہیں۔
شام کے تحقیقی سیشن کی صدارت ڈاکٹر کریمہ محمد المدنی کریں گی اور سیشن کی نظامت ڈاکٹر زہرا رؤف الموسوی کریں گی۔ شام کے تحقیقی سیشن کے دوران بھی چار علمی مقالات پیش کئے جائیں گے۔
چھٹے انٹرنیشنل روح النبوۃ کلچرل فیسٹیول کی علمی، فکری و ثقافتی تقریبات میں (14) عرب اور بیرونی ممالک جن میں کویت، سعودی عرب، بحرین، عمان، لبنان، مصر، تیونس، مراکش، ایران، فرانس، انگلینڈ، اٹلی، سپین اور بیلجیم شامل ہیں، کے وفود اور ماہرین شرکت کر رہے ہیں۔
