شعبہ فکر و ثقافت کی جانب سے وسطی افریقہ کے ملک چاڈ میں امام الہادی علیہ السلام کے یوم شہادت کے احیاء کے لئے مجلس عزاء کا انعقاد

روضہ مبارک حضرت عباس علیہ السلام کے شعبہ فکر و ثقافت کی جانب سے وسطی افریقہ کے ملک چاڈ میں امام الہادی علیہ السلام کے یوم شہادت کے احیاء کے لئے مجلس عزاء کا انعقاد کیا گیا۔

شعبہ فکر و ثقافت سے منسلک سینٹر فار افریقن سٹڈیز کے ڈائریکٹر شیخ سعد ستار الشمری نے کہا کہ "سینٹر فار افریقن سٹڈیزکی جانب سے براعظم افریقہ کے متعدد ممالک بشمول چاڈ میں امام الہادی علیہ السلام کے یوم شہادت کی مناسبت سے مجالس عزاء منعقد کی گئیں۔

انہوں نے مزید کہا کہ "وسطی افریقہ کے ملک چاڈ میں امام الہادی علیہ السلام کے یوم شہادت کے احیاء کے لئے یہ مجلس عزاء مرکز کے کوآرڈینیٹر شیخ عبداللہ علی کے زیر نگرانی منعقد کی گئی تھی جس میں اہل بیت علیہم السلام کے چاہنے والوں کے ایک گروپ نے شرکت کی۔ شیخ عبداللہ علی مجلس عزاء سے خطاب کرتے ہوئے امام علیہ السلام کی سیرت طیبہ، علم و حکمت اور فضائل و مراتب پر روشنی ڈالی۔ انہوں نے کہا کہ امام الہادی علیہ السلام نے ہدایت و ارشاد اور ابلاغ و تبلیغ کے عصری تقاضوں کو سامنے رکھ کر اسلامی معارف و تعلیمات کی نشر و اشاعت میں فیصلہ کن کردار ادا کیا اور قوم کی رہنمائی فرمائی۔"

سنٹر فار افریقن اسٹڈیز 20 سے زائد ممالک میں اپنے نمائندوں کے ذریعے تعلیمی، فکری اور ثقافتی پروگراموں کا انعقاد کر رہا ہے، تاکہ افریقی کمیونٹی کو مذہبی، ثقافتی اور نظریاتی طور پر حقیقی اسلام اور اہل بیت علیہم السلام کی سیرت اور فکر سے آگاہ کیا جا سکے۔
قارئین کے تبصرے
کوئی تبصرہ نہیں ہے
اپنی رائے دیں
نام:
ملک:
ای میل:
تبصرہ: