العربية
English
فارسى
Türkçe
Français
Deutsch
Kiswahili
Español
حرم مقدس کے تشریفات ہال میں مہمانوں کے استقبالیہ یونٹ کے سربراہ سید فارس الحسینی نے کہا کہ "یہ مجلس عزاء روضہ مبارک کےمتولی شرعی سید احمد الصافی کی ہدایت پر منعقد کی گئی تھی جس سے مبلغ شیخ مظہر المنصوری نے خطاب کرتے ہوئے امام علیہ السلام کے فضائل و مناقب، زہد و تقوی، علمی خدمات، عبادت، بردباری اور سخاوت سمیت سیرت مبارکہ کے متعدد پہلوں پر روشنی ڈالی اور آپ کے ساتھ ہونے والے ظلم اور ناانصافی پر بات کی۔ "
انہوں نے مزید کہا کہ " اس مجلس عزاء میں روضہ مبارک حضرت عباس علیہ السلام کے متعدد شعبہ جات کے متعدد عہدیداروں، ملازمین اور معزز مہمانوں نے شرکت کی۔ یہ سالانہ مجلس دو دن تک جاری رہے گی۔"
روضہ مبارک حضرت عباس (ع) اہل بیت علیہم السلام کی ایام و مناسبات منانے پر خصوصی توجہ دیتا ہے؛ تاکہ ان کا پیغام دنیا تک پہنچایا جائے اور ان کے مبارک طریقے پر عمل کیا جائے۔
