حسینی شعائر و مواکب سیکشن: زائرینِ نیمۂ شعبان کی خدمت میں 800 سے زائد مواکب نے شرکت کی

حسینی شعائر و مواکب سیکشن کے سربراہ سید عقیل یاسری نے بتایا ہے کہ زائرینِ نیمۂ شعبان کو خدمات فراہم کرنے میں800 سے زائد مواکب نے شرکت کی۔

سید یاسری نے کہا کہ مواکب نے روضہ مبارک امام حسین(ع) اور روضہ مبارک حضرت عباس(ع) کے حسینی شعائر و مواکب سیکشن کے ساتھ مل کر خدماتی امور کو منظم کیا اور عراق کے مختلف علاقوں سے آنے والے زائرین کو متنوع خدمات فراہم کیں۔

انہوں نے مزید بتایا کہ اس سال زیارت شعبانیہ کے لیے آنے والے زائرین کو خدمات فراہم کرنے کے لیے (800) سے زیادہ مواکب لگائے گئے کہ جن کا تعلق مختلف عراقی گورنریٹس سے تھا ان کی یہ خدمات زائرین کی کثرت کے پیش نظر مراسم زیارت کے اختتام کے بعد بھی جاری رہیں۔

واضح رہے کہ پندرہ شعبان کی رات اور دن کے دوران دسیوں لاکھ زائرین امام حسین(ع) اور حضرت عباس(ع) کی زیارت کا شرف جحاصل کرنے کے لیے کربلا آتے ہیں۔