العربية
English
فارسى
Türkçe
Français
Deutsch
Kiswahili
Español
مذکورہ ڈیپارٹمنٹ کے کمیونیکیشن ڈویژن کے انچارج انجینئر فراس حمزہ نے کہا کہ ایام اربعین کے لیے ہمارے شعبہ کی طرف سے کی جانے والی تیاریوں کے ضمن میں ہم نے مختلف نوعیات کی جدید ترین ٹیکنالوجیز کو متعارف کرایا ہے کہ جن میں ایک مربوط مواصلاتی نیٹ ورک کا قیام بھی شامل ہے جو کربلا میں داخلے کے تمام بیرونی راستوں تک پھیلا ہوا ہے تاکہ زائرین کو ایک فعال اور موثر مواصلاتی سروس فراہم کی جا سکے۔
انہوں نے مزید کہا کہ امن وامان اور زائرین اربعین کی حفاظت کو یقینی بنانے کے لیے جدید ٹیکنالوجی پر مشتمل الیکٹرانک نگرانی اور حفاظت کے نظام کو نصب کیا گیا ہے، اس کے علاوہ راستہ بھولنے والوں، اپنے ساتھیوں سے بچھڑنے والوں اور گمشدہ افراد کی مدد اور رہنمائی کے لیے بنائے گئے 35مراکز کے کام کو آسان بنانے کے لیے ان کی تکنیکی اور مشینری ضروریات کو ہر ممکن وسائل کے ساتھ پورا کیا گیا ہے۔
حمزہ نے اپنی بات جاری رکھتے ہوئے کہا کہ سرکاری اداروں اور خدماتی ہیئات و تنظیموں کے ساتھ تعاون اور ہم آہنگی کے لیے ایک ہاٹ لائن قائم کی گئی ہے تاکہ زیارت کے لیے آنے والے دسیوں لاکھ زائرین کی نقل و حرکت کو آسان بنانے اور ان کے لیے ایک محفوظ ماحول فراہم کرنے لیے کردار اد کیا جا سکے۔
