روضہ مبارک حضرت عباس(ع) میں دعاء ندبہ کی تلاوت اور زائرین کی کثیر تعداد کی شرکت

آج بروز جمعہ روضہ مبارک حضرت عباس(ع) کے صحن اطہر میں صبح کے وقت منعقد ہونے والی تلاوتِ دعاء ندبہ کی محفل میں زائرین و مومنین کی کثیر تعداد نے شرکت کی۔

دعاء ندبہ کی تلاوت کی تقریب ہر جمعہ کی صبح روضہ مبارک حضرت عباس(ع) کے اندرونی صحن میں منعقد ہوتی ہے اور اس میں زائرین کا جمع غفیر شرکت کرتا ہے.

روضہ مبارک حضرت عباس(ع) کے خدام اس بابرکت محفل کے لیے بھرپور انتظامات کرتے ہیں محفل کی جگہ کو معطر رکھنے کے لیے ایئر فریشنر اور اگربتیوں و بخور کا استعمال کیا جاتا ہے اور زائرین کے لیے دعاؤں کی کتابیں وہاں رکھی جاتی ہیں۔


دعاء ندبہ اہل بیت (علیہم السلام) کی شان میں عقیدت اور محبت کا اظہار ہے، اور اس کے ذریعے زائرین اپنی دعاؤں میں اماموں کی مدد، ان کے ساتھ تعلق، اور دنیا و آخرت کی فلاح کی درخواست کرتے ہیں۔