شعبہ فکر و ثقافت ذی قار گورنریٹ کے طلباء کے لیے فکری ورکشاپس اور لیکچرز کا انعقاد جاری رکھے ہوئے ہے

روضہ مبارک حضرت عباس (ع) کا شعبہ فکر و ثقافت ذی قار گورنریٹ کے اسکولوں کے طلباء کے لیے فکری ورکشاپس اور لیکچرز کا انعقاد جاری رکھے ہوئے ہے۔

شعبہ فکر و ثقافت سے منسلک القمر کلچرل فورم سینٹر اپنے ثقافتی پروگرام (الطالب الفعّال)کے ضمن میں ان ورکشاپس اور لیکچرز کا اہتمام کرتا ہے۔

مرکز کے ڈائریکٹر شیخ حارث الدہی نے کہا، "پہلے لیکچر کا موضوع تھا 'دوسروں کے ساتھ تعلقات قائم کرنے کے طریقے اور احترام و افہام و تفہیم پر مبنی مثبت تعلقات کی اہمیت'، جس کے بعد ایک تربیتی ورکشاپ منعقد کی گئی جس میں ٹیکنالوجی کے اس دور میں نوجوانوں کی ضروریات کو مدنظر رکھتے ہوئے تخلیقی مواد تیار کرنے کی تربیت دی گئی۔"

انہوں نے مزید کہا، "اس پروگرام میں طلباء نے بڑی دلچسپی سے حصہ لیا اور ان موضوعات سے استفادہ کرنے کی اپنی خواہش کا اظہار کیا۔ طلباء نے اس بات پر زور دیا کہ وہ مستقبل میں مزید ایسی سرگرمیوں کا حصہ بننا چاہتے ہیں جو ان کی مہارتوں کو نکھاریں اور ان کے وژن کو وسعت دیں۔"

مرکز کا مقصد ان ورکشاپس اورلیکچرزکے ذریعے نوجوانوں کی صلاحیتوں کو بہتر بنانا اور ان کی مہارتوں کو فروغ دینا ہے، تاکہ ایک باشعور اور تہذیب و ثقافت سے آراستہ نسل تیار کی جا سکے۔