العربية
English
فارسى
Türkçe
Français
Deutsch
Kiswahili
Español
روضہ مبارک حضرت عباس علیہ السلام کی مختلف اقسام کی گاڑیاں زائرین کو حرم مبارک تک لانے اور ان کو واپس بیرونی بس اسٹنیڈز تک لے جانے کا کام کرتی رہیں ان گاڑیوں میں بڑی بسیں ، منی بسیں ، اور دیگر گاڑیاں شامل تھیں۔
ٹرانسپورٹ اور مشینری کے سکیشن کی طرف سے اس کے علاوہ بھی بہت سی گاڑیاں دوسرے حوالوں سے زائرین کی خدمت میں مصروف عمل رہیں کہ جن میں مختلف جگہ پر زائرین کی خدمت کے لیے لگائے گئے کیمپس، مواکب اور حسینیات وغیرہ تک پینے کے صاف پانی کی ترسیل کے لیے ٹینکرز، سامان لانے لے جانے والی لوڈر گاڑیاں قابل ذکر تھیں اور ہنگامی حالات سے نمٹنے کے لیے سیکشن کی ایمبولینس گاڑیاں، فائر برگیڈ اور دوسری اسی طرح کی گاڑیاں شہر کے علاقوں میں گشت کرتی رہیں اور ہر وقت کسی بھی صورت حال کے لیے مکمل تیار رہیں۔
یہ بات واضح رہے کہ روضہ مبارک حضرت عباس(ع) پندرہ شعبان کی مناسبت سے کربلا میں آنے والے لاکھوں زائرین کی خدمت کے لیے اپنے تمام تر وسائل کو استعمال کرتا ہے۔ چہلم کے بعد نیمہ شعبان ایسا موقع ہے کہ جب کربلا میں زائرین کی بڑی تعداد زیارت کے لیے آتی ہے پندرہ شعبان ہمارے بارہوں امام حضرت امام مہدی(عج) کے جشن میلاد کا بھی دن ہے کہ جس میں امام حسین(ع) کی زیارت کی اہل بیت(ع) کی طرف سے بہت تاکید کی گئی ہے۔ گزشتہ سال نیمہ شعبان کے موقع پر عراق اور دوسرے ممالک سے 60 لاکھ زائرین نے کربلا کے مقدس روضوں کی زیارت کا شرف حاصل کیا۔
