روضہ مبارک حضرت عباس(ع) کی طرف سے دوسرے العمید عالمی ایوارڈ برائے تلاوتِ قرآن کے مقابلوں کا آغاز

روضہ مبارک حضرت عباس(ع) نے رمضان المبارک کے مقدس مہینے کی آمد پر دوسرے سالانہ العمید عالمی ایوارڈ برائے تلاوتِ قرآن کے مقابلوں اور اس کی تقریبات کا آغاز کر دیا ہے۔

یہ عظیم دینی و روحانی مقابلہ روضہ مبارک حضرت عباس(ع) کے "قرآن علمی کمپلکس" کے زیر اہتمام منعقد ہو رہا ہے، جس میں 22 ممالک کے نامور قاریانِ قرآن شریک ہیں۔ ان میں سے بچوں کے زمرے میں 10 قاری ہیں جبکہ دیگر 30 قاریوں کو بڑوں کے زمرے میں رکھا گیا ہے۔ مقابلے کی نگرانی ایک بین الاقوامی ججز کمیٹی کر رہی ہے، جن کی بصیرت اور علمی ورثہ اس مسابقت کو مزید عالمی عظمت بخشتا ہے۔

دنیا بھر سے آئے ہوئے قاریان قرآن کی صف میں مصر، ایران، انڈونیشیا، افغانستان، ملائیشیا، جنوبی افریقہ اور بھارت جیسے ممالک کے قاری بھی شامل ہیں۔

یہ عالمی مقابلہ روضہ مبارک حضرت عباس(ع) کی جانب سے فرد و معاشرے کی اصلاح کے لیے ایک مستند اور روحانی رہنمائی اور قرآنِ حکیم کی ثقافت کے پھیلاؤ میں ایک سنگ میل کی حیثیت رکھتا ہے، اور یہی قرآن وہ راستہ ہے جو انسان کو فلاح وبہبود اور سعادت کی جانب رہنمائی کرتا ہے۔