روضہ مبارک حضرت عباس(ع) کے سیکرٹری جنرل سے العین فاؤنڈیشن کے وفد کی ملاقات

روضہ مبارک حضرت عباس(ع) کے سیکرٹری جنرل سید مصطفی مرتضیٰ آل ضیاء الدین سے العین فاؤنڈیشن فار سوشل کیئر کے ایک وفد سے ملاقات کی۔

سید آل ضیاء الدین نے اس ملاقات کے دوران فاؤنڈیشن کی طرف سے عراق کے مختلف گورنریٹ سے تعلق رکھنے والے یتیم بچوں کی دیکھ بھال میں ادا کیے جانے والے کردار اور بلاتعطل کی جانے والی کاوشوں کو بہت سراہا۔

انھوں نے اس بات پر زور دیا کہ معاشرے کی خدمت کرنے والے انسانی مقاصد کے حصول میں کامیابی کے لیے روضہ مبارک اور فاؤنڈیشن کے درمیان مشترکہ تعاون انتہائی اہمیت کا حامل ہے۔

فاؤنڈیشن کی کربلا برانچ کے انچارج حسن علاوی نے کہا کہ ہماری یہاں آمد کا مقصد معاشرے کے مختلف طبقات کو مدد فراہم کرنے کے لیے روضہ مبارک حضرت عباس(ع) کے فاؤنڈیشن کے ساتھ تعاون کا شکریہ ادا کرنا ہے۔

ملاقات کے اختتام پر فاؤنڈیشن کے سماجی اور انسانی پروگراموں میں روضہ مبارک کی بھرپور مدد کے اعتراف کے لیے وفد نے سیکرٹری جنرل کو تعریفی سند اور شیلڈ پیش کی۔