زائرین کی روضہ مبارک حضرت عباس(ع) میں دعاء ندبہ کی اجتماعی تلاوت

آج ماہ مبارک رمضان کے پہلے جمعہ بوقت صبح روضہ مبارک حضرت عباس(ع) کے اندرونی صحن میں دعائے ندبہ کی تلاوت کا اہتمام کیا گیا کہ جس میں زائرین کی ایک بڑی تعداد نے شرکت کی۔

عبادت اور ایمان کے پُرنور ماحول میں منعقدہ، اس روحانی محفل میں امام حسین(ع) اور ان کے بھائی حضرت ابو الفضل العباس(ع) کے زائرین کافی تعداد میں شریک ہوئے۔

روضہ مبارک حضرت عباس(ع) کے خدام نے اس عبادتی محفل کے لیے مناسب ماحول کی فراہمی کے لیے الگ جگہ مختص کی اور وہاں دعاؤں کی کتابوں اور زائرین کو درکار ديگر خدمات کی موجودگی کو یقینی بنایا۔