شعبہ دینی رہنمائی برائے خواتین کا بچوں کے لیے "براعم السقاء" پروگرام

روضہ مبارک حضرت عباس(ع) کے شعبہ دینی رہنمائی برائے خواتین نے عید الفطر کی مناسبت سے بچوں کے لیے "براعم السقاء" پروگرام کا انعقاد کیا جس میں بچوں کی بڑی تعداد نے حصہ لیا۔

مذکورہ بالا شعبہ کے میڈیا یونٹ کی انچارج محترمہ رجاء علی بوہانی نے اس حوالے سے بتایا کہ اس پروگرام کے ضمن میں بچوں کے لیے ایک معلوماتی مقابلے کا اہتمام کیا گیا جس کا مقصد عید الفطر کے پُرمسرت ماحول میں مختلف سرگرمیوں کے ذریعے بچوں میں دینی اور تربیتی اقدار کو فروغ دینا ہے۔

انہوں نے مزید بتایا کہ بچوں میں دینی اور اخلاقی شعور اجاگر کرنے کے لیے ترتیب دی گئی متنوع ثقافتی اور تربیتی سرگرمیاں اس مقابلے میں شامل تھیں، ان سرگرمیوں کو بچوں کی بھرپور شرکت اور پسندیدگی نے ان کے تربیتی تصورات کو مزید مستحکم کرنے میں کردار ادا کیا۔

محترمہ بوہانی نے کہا کہ بچوں کی حوصلہ افزائی، ان کے جوش و جذبے کو خراج تحسین پیش کرنے، اور آپس میں تعاون اور سماجی روابط کی روح کو مزید بڑھانے کے لیے مقابلے کا اختتام جیتنے والے بچوں اور تمام شرکاء میں متبرک تحائف کی تقسیم کے ساتھ ہوا۔