ماہ ذیقعد کی پہلی شب جمعہ : مقام امام المہدی (عج) کے زائرین کے لیے بے مثال انتظامات

مقام امام المہدی (عج) نے ماہ ذیقعد کی پہلی شب جمعہ کے احیاء اور مراسم زیارت کی ادائیگی کے لئے آنے والے زائرین کوفکری، تعلیمی اور ثقافتی رہنمائی سمیت متنوع خدمات فراہم کیں۔

مقام امام مہدی (علیہ السلام) کے معاون سربراہ سید هادي مهدي الهنون نے بتایا کہ "مقام امام مہدی (علیہ السلام) کے عملے نے اس بابرکت شب کے موقع پر زائرین کی خدمت، سہولت اور رہنمائی کے لئے مختلف خدمات فراہم کیں۔"

انہوں نے بتایا کہ "ان خدمات میں ایک اہم پہلو سورۃ الفاتحہ کی درست تلاوت کی تعلیم و تصحیح کے لیے خصوصی اسٹیشن کا قیام تھا، جو قرآن علمی کمپلیکس سے وابستہ انسٹی ٹیوٹ کے تعاون سے قائم کیا گیا تھا۔ اس کے ساتھ ساتھ ایک فکری و روحانی لیکچر بھی ان تعلیمی خدمات کا حصہ تھا، جس میں امامِ وقت (عجل اللہ تعالی فرجہ الشریف) اور قرآنِ مجید کے درمیان تعلق اجاگر کیا گیا۔"

انہوں نے مزید کہا کہ "زائرین کے لیے رات کے کھانے، گرم مشروبات اور سنیکس کی تقسیم کا اہتمام بھی کیا گیا تھا، جب کہ عبادات اور زیارت کے لیے مخصوص ہالز تیار کیے گئے تھے تاکہ زائرین پرسکون ماحول میں خشوع و خضوع کے ساتھ اعمال بجا لا سکیں۔"