روضہ مبارک حضرت عباس(ع) نے بین الحرمین میں امام محمد تقی(ع) کی شہادت کی یاد میں عزائی بینرز آویزاں کر دیئے

یہ بین الحرمین، جہاں ایک طرف حضرت عباس(ع) کی وفا کا پرچم لہراتا ہے اور دوسری طرف امام حسین(ع) کی قربانی کی صدا سنائی دیتی ہے، آج امامِ مظلوم محمد تقی(ع) کے غم میں ڈوبا ہوا ہے۔

روضہ مبارک حضرت عباس(ع) کے شعبۂ بین الحرمین نے امام محمد تقی(ع) کی شہادت کی مناسبت سےعزائی بینرز آویزاں کر دی‏ئے ہیں کہ جن پر امام(ع) کی مظلومیت کو رقم کیا گیا ہے۔ وہ مظلومیت جو وقت کے طاغوتوں نے زہر کی چپ چپاتی آگ میں چھپا دی تھی، آج پوری دنیا کی ہوا میں پکار بن کر گونج رہی ہے۔

رحمتیں ہوں اُس ہستی پر جس نے کم عمری میں علم و حلم کے دریا بہائے، اور صبر کی وہ داستان رقم کی جو رہتی دنیا تک اہلِ ایمان کو حق کے ساتھ جینے کا سلیقہ سکھاتی رہے گی۔