روضہ مبارک حضرت عباس(ع) میں یومِ شہادتِ امام محمد باقرؑ کی مناسبت سے سیاہ چادریں اور عزائی بینرز آویزاں کر دیئے گئے

روضہ مبارک حضرت عباس(ع) میں امام محمد باقر(ع)کے یومِ شہادت کی یاد میں فضائے حرم سوگوار ہے۔ اس المناک سانحہ کے احیاء کے لیے شعبۂ صحن شریف کے عملے نے پورے روضہ مبارک میں عَلمِ عزاء، سیاہ چادريں اور تعزیتی بینر آویزاں کر دیئے ہیں ۔
اس سلسلے میں روضہ مبارک کے ایوان طلاء، روضہ مبارک کی دیواروں، اور دیگر نمایاں مقامات پر سیاہ چادریں بینرز اور کتبے آویزاں کیے گئے۔ بینرز کی تنصیب کے لیے ایسا مخصوص مواد استعمال کیا گیا، جس سے انہیں بعد میں آسانی سے ہٹایا جا سکے گا۔
ان پارچات اور بینروں کی تیاری، سلائی اور کشیدہ کاری کا کام روضہ مبارک کے شعبہ ہدایہ و نذورات کے تحت قائم "خیاطی و کشیدہ کاری" یونٹ نے انجام دیا ہے۔