دسیوں ہزار مومنین نے بین الحرمین الشریفین میں عید الاضحیٰ کی نماز ادا کی

عید الاضحیٰ کے مقدس موقع پر ہزاروں مؤمنین نے بین الحرمین الشریفین کے وسیع و عریض صحن میں روحانیت سے لبریز ماحول میں نمازِ عید ادا کی۔

نمازِ عید کا یہ عظیم اجتماع وحدتِ ایمانی اور روحانی جذبات کا حسین امتزاج تھا، جہاں خوشی، شکر اور دُعاؤں کی صدائیں فضا میں گونجتی رہیں۔ مؤمنین نے بارگاہِ ربّ العزت میں عراق اور پوری دنیا کے لیے امن و امان، شہداء کے لیے بلندیٔ درجات، اور زخمیوں و مریضوں کے لیے شفائے کاملہ کی دعائیں کیں۔

اس عظیم روحانی اجتماع کے دوران زائرین کی خدمت اور سہولت کے لیے روضۂ مبارک حضرت عباس علیہ السلام کے تمام شعبہ جات نے بھرپور انداز میں اپنی خدمات پیش کیں۔ انتظامیہ کی جانب سے پہلے سے ہی ایک جامع منصوبہ بندی مرتب کی گئی تھی تاکہ زائرین کو منظم، پُرامن اور سہولت بخش ماحول میسر آ سکے۔

بین الحرمین میں ادا کی گئی یہ نماز عید ناصرف ایمانی اجتماع کی علامت ہے بلکہ عراق کی دینی و ثقافتی یکجہتی کا بھی خوبصورت مظہر ہے۔