امام سجاد(ع) کے علامتی تابوت کے ہمراہ اہلِ کربلا کے ماتمی جلوس کی روضہ مبارک حضرت عباس(ع) میں حاضری

اہل کربلا نے حضرت امام زین العابدین(ع) کے یوم شہادت کے احیاء کے لیے جلوس عزاء برآمد کیا اور امام(ع) کے علامتی تابوت کو کندھوں پر اٹھائے ہوئے روضہ مبارک امام حسین(ع) اور روضہ مبارک حضرت عباس(ع) میں حاضری دی اور پرسہ پیش کیا۔

کربلائی مواکب اور ماتمی انجمنوں کی طرف سے ہر سال امام سجاد(ع) کے یوم شہادت کے موقع پر شعبۂ شعائر وحسینی مواکب کے تعاون سے علامتی تابوت کے ہمراہ ماتمی جلوس نکالا جاتا ہے اور علامتی تشیع جنازہ کی رسم عزاء ادا کی جاتی ہے۔

اس جلوس کا آغاز "باب بغداد" سے ہوا، یہ جلوس روضہ مبارک حضرت عباس(ع) میں پرسہ پیش کرنے کے بعد مابین الحرمین سے ہوتا ہوا روضہ مبارک امام حسین(ع) میں پہنچ کر اختتام پذیر ہو گیا۔