شعبۂ امورِ خدمات نے سپیشل افراد کی وہیل چیئرز اور بچوں کے اسٹرولرز کے لیے پانچ مقامات مختص کیے ہیں

روضہ مبارک حضرت عباس(ع) کے شعبۂ امورِ خدمات نے اربعین کے دوران سپیشل افراد اور بچوں کی نقل و حرکت کو آسان بنانے کے لیے پانچ اہم مقامات پر وہیل چیئرز اور اسٹرولرز کی فراہمی اور وصولی کے مراکز قائم کر دیے ہیں۔

مذکورہ بالا شعبہ کے امانات ڈویژن کے رکن حسین علی نے بتایا کہ زیارتِ اربعین کے دوران زائرین کی سہولت کے پیش نظر پانچ جگہوں میں یہ سہولت فراہم کی گئی ہے تاکہ سپیشل افراد اور بچوں کے ہمراہ آنے والے زائرین کو کسی دشواری کا سامنا نہ ہو۔

انہوں نے مزید بتایا کہ یہ سہولت درج ذیل مقامات پر دستیاب ہے:

باب قبلہ روضہ مبارک حضرت عباس(ع)

باب امام موسى كاظم(ع) روضہ مبارک حضرت عباس(ع)

علقمی سٹریٹ

باب امام علی ہادی(ع) روضہ مبارک حضرت عباس(ع)

باب بغداد

ان میں سے ہر مقام پر زائرین کے لیے 60 ویل چیئرز مہیا کی گئی ہیں تاکہ رش کے دوران نقل و حرکت میں آسانی اور روانی برقرار رکھی جا سکے۔