امام حسن (ع) کے یوم شہادت کے احیاء کے لئے کربلا کے ماتمی جلوسوں کی روضہ مبارک حضرت عباس علیہ السلام اور روضہ مبارک امام حسین علیہ السلام میں آمد

کربلا کے ماتمی جلوسوں اور انجمنوں کی جانب سے حضرت امام حسن مجتبیٰ علیہ السلام کے یوم شہادت کے احیاء کے لیے جلوس عزاء برآمد کیا گیا۔ جلوس نے روضہ مبارک امام حسین(ع) اور روضہ مبارک حضرت عباس(ع) میں حاضری دی اور امام زمانہ (عجل اللہ فرجہ) اور اہل بیت اطہار (علیہم السلام) کو پرسہ پیش کیا۔

اہل کربلا ہر سال اہل بیت(ع) سے منسلک تمام مناسبات و ایام کو عقیدت اور احترام سے مناتے ہیں اور امام حسن (ع) کے یوم شہادت میں برآمد ہونے والا ماتمی جلوس بھی اسی تسلسل کا حصہ ہے۔

شعبہ شعائر حسینی و مواکب حسینی کی جانب سے مراسم عزاء کے احیاء اور ماتمی جلوسوں کی برآمدگی کے لئے جامع تیاریاں کی جاتی ہیں۔ جلوسوں کی نقل و حرکت ایک منظم منصوبے کے مطابق ہوتی ہے اور ہر جلوس کا راستہ اور وقت پہلے سے مقرر ہوتا ہے۔