العربية
English
فارسى
Türkçe
Français
Deutsch
Kiswahili
Español
ابھی مزید دو تین دن تک صوبہ مثنّٰى کے علاقوں میں جنوبی علاقوں سے پیدل آنے والے زائرین کا رش باقی رہے گایہ زائرین یہاں سے اب بالترتیب سماوة، وركاء، رميثة، طابو، حمزة، سدير، ديوانية، سنية، طليعة، قاسم، جربوعية، دبلة، حلّة، طهمازية اور طويريج سے گزرنے کے بعد كربلا میں داخل ہوں گے. صوبہ مثنّٰى کے رہنے والوں کی بہت بڑی تعداد جنوبی علاقوں سے پیدل آنے والے زائرین کے اس سونامی میں شامل ہو کر اس کی موجوں کو مزید بلند کر رہی ہے، صوبہ مثنّٰى میں جہاں کہیں بھی نگاہ کریں وہاں اہلِ مثنّٰى پچھلے علاقوں سے آنے والے مومنین کے ساتھ ہی کربلا کی جانب پیدل روانہ ہوتے ہوئے دکھائی دے رہے ہیں اور جو پیدل نہیں جا رہے وہ زائرین کے کھانے پینے اور رہائش کے انتظامات میں مشغول نظر آتے ہیں مثنّٰى سے تعلق رکھنے والا کوئی فرد اس وقت شاید ہی ان دو کاموں کے علاوہ کسی تیسرے کام مصروف دکھائی دے۔
امام حسین(ع) اور حضرت عباس(ع) کے روضہ مبارک کے شعائر اور حسینی انجمنوں کے سیکشن کے صوبہ مثنّٰى میں نمائندے نے بتایا ہے کہ اہل مثنّٰى ناصرف اربعین امام حسین(ع) کے لیے پیدل کربلا جا رہے ہیں بلکہ ہر ممکن طریقہ سے گزشتہ کئی دن سے زائرین کی خدمت بھی کر رہے ہیں۔
شعائر اور حسینی انجمنوں کے سیکشن میں صوبہ مثنّٰى کے رجسٹرڈ مواکب و انجمنوں میں سے (1400) مواكب اور انجمنوں نے پیدل جانے والے زائرین کے لیے صوبہ مثنّٰى کی حدود میں ہر طرح کے مطلوبہ انتظامات وافر مقدار میں کیے ہیں، اہل مثنّٰى کے (330) خدماتی موبائل موکب بھی پورے راستے میں زائرین کو تمام تر سہولیات اور مطلوبہ ضروریات مہیا کر رہے ہیں۔ واضح رہے کہ صوبہ مثنّٰى میں مذکورہ سیکشن کے نمائندے نے صرف ان مواکب اور انجمنوں کی خدمات کا ذکر کیا ہے جو اس سیکشن میں رجسٹرڈ ہیں اور اہل مثنّٰى کی طرف سے انفرادی طور پر زائرین کی خدمت کے لیے کیے گئے کاموں اور مذکورہ سیکشن میں رجسٹرڈ نہ ہونے والی انجمنوں کی زائرین کے لیے خدمات کا اعداد و شمار ان کی کثرت کی وجہ سے ناممکن ہے۔ الکفیل انٹر نیشنل نیٹ ورک کے فوٹو گرافروں نے ہمیں صوبہ مثنّٰى کے مختلف علاقوں سے کچھ تصاویر ارسال کی ہیں جو ذیل میں موجود ہیں:
