شعبۂ دینی سیاحت کی جانب سے ’کاروانِ ساقی‘ کے معتمرین کے لیے تربیتی و رہنمائی لکچر کا انعقاد

روضہ مبارک حضرت عباس (علیہ السلام) کے شعبۂ دینی سیاحت (قسم السياحة الدينية) کی جانب سے عمرہ کی ادائيگی کے لیے کاروانِ ساقی (حملة الساقي) میں شامل ہونے والے مومنین کے لیے ایک خصوصی تربیتی و رہنمائی لکچر کا اہتمام کیا گیا۔


اس نشست میں معتمرین کو سفر سے متعلق ضروری انتظامی ہدایات فراہم کی گئیں، جبکہ مناسکِ عمرہ کی تفصیلی وضاحت بھی کی گئی۔ لکچر کے دوران طواف، نیت کا طریقہ، احرام کی پابندیاں (محرماتِ احرام)، نمازِ طواف اور عمرہ سے متعلق دیگر شرعی احکام و مسائل پر سیر حاصل گفتگو کی گئی۔

زائرین کی شرعی رہنمائی کے لیے روضہ مبارک کے شعبۂ دینی امور سے وابستہ مبلغ و عالمِ دین اس قافلے کے ہمراہ ہیں۔ کاروانِ ساقی (حملة الساقي) کی خاص بات یہ ہے کہ اس میں معتمرین کے لیے حرمین شریفین کے قریب ترین ہوٹلوں کی فراہمی اور دیگر جامع سہولیات کو یقینی بنایا جاتا ہے تاکہ زائرین کو مناسک کی ادائیگی میں کسی قسم کی دشواری کا سامنا نہ کرنا پڑے۔

واضح رہے کہ روضہ مبارک حضرت عباس (علیہ السلام) کاروانِ ساقی (حملة الساقي) کے ذریعے عمرہ کی ادائیگی کے خواہش مند زائرین کو بہترین اور معیاری خدمات فراہم کرنے کے لیے ہمیشہ پیش پیش رہتا ہے۔