ایامِ شعبانیہ کی آمد: مقامِ امام مہدی(عج) کی پھولوں اور برقی قمقموں سے تزیین وآرائش

"مقامِ امام مہدی (عجل اللہ فرجہ الشریف)" کے عملے نے ’اقمارِ محمدیہ‘ کے ایامِ ولادت کی مناسبت سے مقامِ مقدس میں تزئین و آرائش کا کام شروع کر دیا ہے۔

مقامِ امام مہدی (عجل اللہ فرجہ الشریف) میں شعبہ حفظِ نظام کے سربراہ سید رضا محمد علی نے تفصیلات بتاتے ہوئے کہا: "ماہِ شعبان کی مبارک مناسبتوں اور جشن ہائے میلاد کے قریب آتے ہی عملے نے آرائشی کاموں کا آغاز کر دیا ہے۔ اس سلسلے میں مقام کے صدر دروازے اور بیرونی حصے پر مختلف اقسام کے پھولوں سے خوبصورت گلدستے اور نقش و نگار تیار کیے گئے ہیں، جن پر اہل بیت (علیہم السلام) کے اسمائے گرامی درج ہیں۔

انہوں نے مزید بتایا کہ: ان انتظامات میں مردانہ اور زنانہ ہالز کے لیے خاص طور پر ڈیزائن کردہ ہندسی نقش و نگار اور رنگ برنگے پھول شامل ہیں، تاکہ زائرین کے لیے خوشی اور مسرت کا روحانی ماحول فراہم کیا جا سکے۔

واضح رہے کہ یہ تمام کاوشیں ان زائرین کے استقبال کی تیاریوں کا حصہ ہیں جو ان ایامِ سعید کا جشن منانے کے لیے بڑی تعداد میں مقامِ مقدس کا رخ کرتے ہیں۔