شعبۂ خطابتِ حسینی برائے خواتین نے اپنی طالبات کے پہلے سمسٹر کے امتحانات کا آغاز کر دیا

روضہ مبارک حضرت عباس (علیہ السلام) کے دفتر متولی شرعی برائے امور نسواں کے شعبۂ خطابتِ حسینی برائے خواتین نے اپنے تحت چلنے والے خطابت انسٹی ٹیوٹ کی طالبات کے لیے پہلے سمسٹر کے امتحانات کا آغاز کر دیا ہے۔

اس حوالے سے شعبہ کی سربراہ محترمہ تغرید تمیمی نے بتایا کہ: "شعبہ نے تعلیمی سال 1447 ہجری کے پہلے سمسٹر کے امتحانات کے انعقاد کا باقاعدہ آغاز کر دیا ہے، جس میں انسٹی ٹیوٹ کی طالبات شریک ہو رہی ہیں۔


انہوں نے مزید بتایا کہ: امتحانی پرچے ماہر اساتذہ پر مشتمل خصوصی کمیٹیوں نے تیار کیے ہیں۔ ان امتحانات میں طالبات کی فقہی اور عقائدی معلومات کے ساتھ ساتھ، فنِ خطابت کے فنی پہلوؤں بشمول 'مقامات' اور 'اصنافِ سخن' جیسے موضوعات پر ان کی دسترس کو جانچا جا رہا ہے، جو کہ ایک کامیاب مبلغہ اور خطيبہ کی تیاری کے لیے بنیادی تقاضے ہیں۔

اس انسٹی ٹیوٹ کا بنیادی مقصد ایسی باصلاحیت خواتین خطیبات تیار کرنا ہے جو معاشرے میں موثر تبلیغی، اصلاحی اور ثقافتی کردار ادا کرنے کی مکمل صلاحیت رکھتی ہوں۔