ماہ شعبان اور اس میں آنے والے جشن ہائے میلاد کی پُرمسرت مناسبت سے روضہ مبارک حضرت عباس (ع) کی تزيين وآرائش

ماہِ شعبان کی آمد اور اس بابرکت مہینے سے منسلک اہل بیت (علیہم السلام) کی خوشیوں کے احیاء کے لیے روضہ مبارک حضرت عباس (علیہ السلام) میں آرائشی بینروں کو آویزاں کر دیا گیا ہے۔

روضہ مبارک کے عملے نے 'ان جشنوں' کی مناسبت سے روضہ مبارک حضرت عباس (علیہ السلام) کے صحن، داخلی راستوں اور بین الحرمین میں پھولوں کی چادریں، رنگین برقی قمقمے اور تہنیتی بینرز آویزاں کیے ہیں۔

روضہ مبارک حضرت عباس (علیہ السلام) نے اس مبارک مناسبت کی یاد منانے کے لیے ایک جامع پلان تیار کیا ہے، جس میں روضہ مبارک سے وابستہ مختلف مقامات پر مذہبی و ثقافتی محافل اور پروگراموں کا ایک وسیع سلسلہ شامل ہے۔

واضح رہے کہ روضہ مبارک حضرت عباس (علیہ السلام) ہمیشہ آئمہ اہل بیت (علیہم السلام)، بالخصوص ماہِ شعبان میں آنے والی مناسبات میں خوشی و مسرت کے بھرپور اظہار اور جشن کے انعقاد کا خاص اہتمام کرتا ہے۔