العربية
English
فارسى
Türkçe
Français
Deutsch
Kiswahili
Español
الکفیل نیٹ ورک کے نمائںدے کے ساتھ گفتگو کرتے ہوئے اس مرکز کے انچارج حسنين موسوی نے کہا ہے کہ اس ورکشاپ کے انعقاد کا مقصد موجودہ زمانے میں لائبریریوں میں استعمال ہونے والی جدید ترین کمپیوٹرائز ٹیکنالوجی کو عراق میں روشناس کروانا اور لائبریریوں سے خاطر خواہ فائدہ اٹھانے کے لیے اس نظام کو دنیا کی ترقی یافتہ ممالک کی طرح یہاں بھی رائج کرنے کے لیے کوشش کرنا ہے۔
واضح رہے کہ کسی بھی لائبریری میں موجود کتابوں اور دوسرے مواد سے استفادہ کرنے کے لیے اس کی فہرست اساسی حیثیت رکھتی ہے فہرست کے بغیر کوئی بھی لائبریری محض ایک ایسا خزانہ ہوتی ہے کہ جس سے فائدہ اٹھانا نتیجہ جانے بغیر سمندر میں اندھا دھند موتیوں کی تلاش میں غوطہ لگانا ہے لائبریری میں موجود فہرست پر ہی اعتماد کرتے ہوئے مطالعہ کرنے والا اس لائبریری سے استفادہ کرتا ہے۔
سن 2008ء میں روضہ مبارک حضرت عباس(ع) کی لائبریری میں فہرست سازی کے یونٹ کا اضافہ کیا گیا کہ جو ابتدائی طور پر صرف تین افراد پر مشتمل تھا، ابتدا میں فہرست کی تیاری کے لیے عراق میں پہلے سے رائج پرانا طریقہ اختیار کیا گیا شروع ہی سے یہ محسوس کیا گیا کہ یہ پرانا طریقہ لائبریری سے مکمل استفادہ کرنے کے لیے ناکافی ہے لہذا اسے کسی جدید ترین عالمی طریقہ سے بدلنے کا فیصلہ کیا گیا اور اس مقصد کے لیے دنیا میں موجود بڑی بڑی لائبریریوں میں فہرست کی تیاری کے طریقہ کار کو جاننے کا عمل شروع کر دیا گیا۔
دنیا کی اکثر لائبریریوں کے بارے میں جانکاری اور ماہرین سے مشورہ کے بعد روضہ مبارک حضرت عباس(ع) کی لائبریری میں فہرست سازی کے لیے تعینات افراد اس نتیجہ پہ پہنچے کہ امریکہ میں کانگرس کی لائبریری میں اختیار کیا گيا طریقہ سب سے زیادہ موزوں ہے لہذا سن2010ء میں اسی طریقہ کو اپنانے کا فیصلہ کیا گیا اور ایک امریکی کمپنی کے تیار کردہ پروگرام سمونیّ کو شركة نسيج نامی لبنانی کمپنی سے انگلش سے عربی میں ترجمہ کروا کر اسے ایک عربی پروگرام میں تبدیل کر دیا گیا۔
اس سارے عرصے میں مذکورہ یونٹ کے افراد میں بھی اضافہ ہوتا رہا یونٹ کے ہر فرد نے لائبریریوں کی فہرست سازی کے سلسلہ میں دسیوں کورس کیے اور دسیوں ورکشاپس میں شرکت کی اور روضہ مبارک کی لائبریری کے ریکارڈ اور فہرست کو عالمی معیار کے مطابق ڈھالنے کا عمل بھی جاری رکھا۔
سن2014ء میں لائبریری میں فہرست سازی کے یونٹ کو سنٹر کا درجہ دے کر اسے "مركزُ الفهرسة ونُظُم المعلومات" کا نام دیا گیا۔
اس وقت اس سنٹر میں6 یونٹ ہیں اور ان میں دسیوں افراد کام کر رہے ہیں کہ جو عراق کی سطح پہ اس فن میں ماہر ترین افراد شمار ہوتے ہیں اور اس کی وجہ ان کی مسلسل محنت اور اس فن میں ہونے والی دنیا میں ہر نئی ورکشاپ اور ہر جدید کورس میں شرکت ہے۔
