سید جعفر الحلی (رحمہ اللہ) سینٹ کی جانب سے زائرین اور روضہ مبارک سے منسلک عملے کو دانتوں کے علاج کی مفت سہولیات فراہم کی جا رہی ہیں۔

روضہ مبارک حضرت عباس (علیہ السلام)کے میڈیکل افیئرز ڈیپارٹمنٹ سے وابستہ سید جعفر الحلی (رحمہ اللہ) سینٹر فار ایمرجنسی میڈیکل سروسز کی جانب سے زائرین اور عملے کو دانتوں کے علاج کی مفت سہولیات فراہم کی جا رہی ہیں۔

شعبہ سے تعلق رکھنے والے ڈاکٹر علی کاظم نے کہایہ سینٹر دانتوں کے علاج سمیت مختلف طبی خدمات پیش کر رہا ہے، جن میں مسوڑھوں کے امراض کا علاج، روٹ کنال ٹریٹمنٹ اور خراب دانتوں و جڑوں کو نکالنا شامل ہے۔ یہ تمام خدمات ایک مکمل طبی ماحول میں فراہم کی جا رہی ہیں جہاں حفاظت اور معیار کے اعلیٰ ترین اصولوں کا خاص خیال رکھا جاتا ہے۔

انہوں نے مزید کہا کہ سینٹر میں ڈینٹل یونٹ ایک انتہائی فعال یونٹ ہے جو مردوں اور خواتین دونوں کو خدمات فراہم کرتا ہے۔ یہاں ماہر طبی ٹیم کی زیرِ نگرانی جدید ترین آلات اور ٹیکنالوجی کا استعمال کیا جاتا ہے۔

انہوں نے واضح کیا کہ ان خدمات کا مقصد زائرین اور حرمِ مطہر سے منسلک عملے کو صحت کی بہترین ممکنہ خدمات فراہم کرنا، صحت و سلامتی کو یقینی بنانا اور ان پر علاج کے اخراجات کا بوجھ کم کرنا ہے۔

میڈیکل افیئرز ڈیپارٹمنٹ ان اقدامات کے ذریعے زائرین کو بہترین طبی سہولیات کی فراہمی اور مفت انسانی خدمات کے اپنے مشن کو جاری رکھنے کے لیے پرعزم ہے۔