الکفیل پرنٹنگ پریس میں مفاتیح الجنان کے دس لاکھ رنگین نسخوں کی طباعت.....

روضہ مبارک حضرت عباس علیہ السلام کے الکفیل پرنٹنگ پریس میں موجود جدید ترین مشینری اور عالمی معیار کی بہترین پرنٹنگ کی وجہ سے عراق اور بیرون ملک میں موجود کتابی اداروں کی اولین ترجیح الکفیل پرنٹنگ پریس بن گئی ہے حال ہی میں کویت میں قائم ’’ميديا تيم للدعاية والإعلان والإنتاج الفنّي‘‘ نامی فاؤنڈیشن نے الکفیل پرنٹنگ پریس سے مفاتیح الجنان کے دس لاکھ رنگین نسخے چھپوانے کا معاہدہ کیا ہے۔

مذکورہ فاؤنڈیشن کے سربراہ ڈاکٹر علي حسين ابراهيم نے الکفیل نیٹ ورک کے نمائندے سے گفتو کرتے ہوئے بتایا ہے کہ مفاتیح الجنان کا یہ نسخہ کتابت اور ڈایزاننگ کے حوالے سے ایک منفرد نسخہ ثابت ہو گا اور اس نسخہ کی طباعت کے لیے ہم نے الکفیل پرنٹنگ پریس کا انتخاب کیا ہے کیونکہ ہم نے اس پریس اور اس میں استعمال ہونے والی ٹیکنالوجی کو اب تک کی جدید ترین پرنٹنگ ٹیکنالوجی کے طور پر پایا ہے۔