عباس عسکری یونٹ نے تلعفر کو داعش سے پاک کرنے کا آغاز کر دیا ہے

عباس عسکری یونٹ نے سیکورٹی فورسز اور حشد شعبی ملیشیا کے ساتھ مل کر تلعفر کو داعش سے پاک کرنے کا آغاز کر دیا ہے اس آپریشن کے لیے عباس عسکری یونٹ نے پہلے سے بھر پور تیاری مکمل کر لی تھی اور اس وقت یونٹ کے فوجی جوان بھاری اسلحہ اور توپ خانہ کے ساتھ تلفر کی جانب بڑھ رہے ہیں اور راستے میں داعش کی پوری طاقت اور غرور کو قدموں تلے روندتے چلے جا رہے ہیں۔

واضح رہے دہشت گرد تنظیم دولتِ اسلامیہ کے زیرِ قبضہ آخری عراقی شہر تلعفر کو آزاد کرانے کے لیے آج بروز اتوار 27 ذو القعدة 1438 هــ ( 20 اگست 2017) کو فوجی آپریشن شروع کر دیا گیا ہے۔ عراقی فوج نے جولائی میں دولتِ اسلامیہ کے گڑھ موصل پر قبضہ کر لیا تھا۔ تلعفر اس سے 55 کلومیٹر مغرب میں واقع ہے۔ تلعفر کی اصل آبدی کی اکثریت شیعہ مسلک سے تعلق رکھتی ہے اور یہاں دولتِ اسلامیہ کے قابض ہونے کے بعد آبادی کی اکثریت نے شہر کو چھوڑ دیا اور جنوبی شہروں میں پناہ لے لی۔