العربية
English
فارسى
Türkçe
Français
Deutsch
Kiswahili
Español
سید اشیقر نے اپنی گفتگو کے دوران کہا: رسول اکرم(ص) نے اس دنیا سے جانے سے پہلے فرمایا: میں تمہارے درمیان دو گراں قدر چیزیں چھوڑ کر جا رہا ہوں کہ جو اللہ کی کتاب اور میری عترت و اہل بیت ہیں یہ دونوں کبھی بھی ایک دوسرے سے جدا نہیں ہوں گی یہاں تک کہ میرے پاس حوضِ کوثر پر اکٹھے آئيں گی۔ اسی حدیث سے تمسک کرتے ہوئے اور علامہ صافی کے احکامات اور سرپرستی کی بدولت روضہ مبارک حضرت عباس(ع) نے بہت سے مراکز، اداروں اور منصوبوں کی بنیاد رکھی اور ان مراکز اور اداروں نے اپنے عملے اور اپنے پروگراموں کے ذریعے مقامی اور عالمی سطح پر قرآنی، دینی، فکری، ثقافتی اور سائنسی علوم اور آئمہ اہل بیت(ع) کی افکارو تعلیمات اور فضائل کی نشر و اشاعت میں بہترین نتائج فراہم کیے اور روح النبوۃ سیمینار بھی اس سلسلہ میں منعقد ہونے والے پروگراموں میں سے ایک اہم ترین پروگرام ہے کیونکہ اس کے تمام انتظامات ہماری وہ بہنیں کرتی ہیں جو قرآن اور اہل بیت و عترت(ع) سے تمسک کر کے نمونہ عمل قرار پائيں۔
ہماری ان بہنوں نے اپنے قلم اور صلاحیتوں کو اس گھرانے کے فضائل و مناقب، سیرت و کرامات اور مراتب کو اجاگر کرنے کے لیے وقف کیا کہ جس گھرانے سے اللہ نے ہر طرح کی پلیدگی کو دور رکھا ہے، ہماری ان بہنوں نے خود کو حضرت فاطمہ زہراء(س) کے سرچشمہ علم سے سیراب کیا، حضرت فاطمہ(س) کی اہل بیت(ع) میں وہی حیثیت ہے جو چکی میں قطب کی ہوتی ہے، حضرت فاطمہ(س) علم نبوت کی خوشبو اور نور الہی کا چراغ ہیں، حضرت فاطمہ(س) من كان قاب قوسين أو أدنى کی بیٹی، کافروں کو شکست دینے والے کی زوجہ اور امام حسن و امام حسین کی والدہ ہیں حضرت فاطمہ(س) اس کی والدہ ہیں جس نے اپنے جگر کے ٹکڑے دین پر قربان کیے، جس اپنی شہہ رگ کے خون سے طاغوت کو شکست دی، حضرت فاطمہ(س) آخری امام مہدی تک تمام آئمہ کی والدہ ہیں۔